كوتشينغ_نوض_دوز_حيد ..جيب_العز_ولا_كحز

ايمان جادوش الازرق

كيعجبني اللي كيجي يقول لك ” عندي أحلام و مشاريع ”
بارك و مسعود، تتربى في عزك 😏
عندك شي بلان؟ عندك شي خطة عمل؟ عندك شي برنامج ” يومي” ؟ ملتزم مع راسك و مع خطة العمل؟ كتعرق عليها؟ 🤔
رآه كلشي عنده أحلام و مشاريع و لكن ماشي كلشي عنده الذراع و الجهد باش يعرق عليها
قبل ما تشوف عضلات بنادم، شوفه شحال حط فيها ديال العرق و تقطاع اللحم و الوقت و الإصابات و الفياق بكري و الريجيم…
قبل ما تشوف حسابه البنكي و لا داره و لا صور عطلته، شوف الثمن اللي خلص باش يوصل لداكشي، و باش ضحى و شحال عرق عليها
حتى حاجة ما كتجي بالأحلام و قانون الجذب و هداك التخربيق ديال التنمية البشرية بميتين درهم نص نهار
الحقيقة الوحيدة هي العرق و الإلتزام و الانضباط
وا نووووووض
ما كاينش شي حاجة سميتها ” طريق مختصر” و لا ” جات ساهلة”
يمكن العمل ما كيضمنش النجاح دايما، و لكن عمرك تلقى نجاح بلا عمل
ما كاينش شي واحد نجح محيت كان كيحلم و بقى جالس مربع يديه، و هو يطيح عليه الحلم دياله 😂

التعليقات مغلقة.