شريط الأخبار

أبراج اليوم

توقعات برج الحمل اليوم الاحد 17 نوفمبر 2019


الحمل ♈
تنشغلون في ترتيب أموركم البيتية والعائلية.لا تدخلوا تغيير جذري على مسكنكم

مهنياً:امور عائلية بنهارك والمسا عاطفة وحب عندك ..
ضغط شغل وانت بحاجة لراحة بشكل كبير وقصص بتشغلك ببيتك ومع اهلك وضمن شغلك وبلاخص فترة فيها حركة كتير وارهاق ومانك مرتاح للوضع وفي ضغوط وقصة مالية رح تشغلك هاد كلو بفترة لنهار وممكن دخل مالي بلاخص لاصحاب المهن الحرة .. لمسا ممكن تبلش ضغوط تخف وبتتحسن امورك وطاقتك ومكانتك بترجعلك وحلول مبدئية لمشاكلك وفرصة لتقبض ولحظ بيمنحك فرصة جديدة وجو حلو للعلاقات الاجتماعية وسفر او مشوار لان الاجواء المسا غير شكل ..
عاطفياً:مو مرتاح لوضعك بنهارك وممكن عم تعاني شوية قصص وكركبة لكن مابدي منك تحمل القصص اكتر مابتستاهل وكلشي بوقتو حلو وممكن تلاقي حل لوضعك وتتحسن امورك تدريجي ويمكن البعض مقبل على خبر حلو واجواء أحلى واستقرار وكلو المسا وبلاخص ممكن البعض عندو لقاء واتصالات وحب ناطرك ..
صحياً:عم تتعرض لوعكة صحية لازم تشوف طبيب او صيدلاني مختص ..
❤غنيتك❤اليوم:انا مريضة أهتمام .. اليسا

توقعات برج الثور اليوم الاحد 17 نوفمبر 2019


الثور ♉
تنشغلون في السفر والتنقلات والاتصالات لمسافات قصيرة.من لديه سيارة فلينتبه أثناء السياقة.لديكم تعاون مع الأخوة والجيران ويوم جيّد للمطالعة والدراسة.

مهنياً:عندك القدرة على الاقناع وسلس بتعاملك وعم تتفهم الجميع بهاليوم .. وهاشي بساعدك لتأسس لعلاقات جديدة متعددة ولتثبت انك قادر تنجز اي عمل بيومك .. حاول تخلص شغل بنهارك وعم يدور يومك بأتصالات ولقاءات واذا عم تفكر بسفر او تنقل او مشوار خلي صبح وبمجريات لنهار والمسا نتبه لشوية توترات بالعيلة وهدي حالك ومافي داعي للانفعال وانا برأيي تستغل الاجواء وتغير جو مع ناس بتحبن وفرصة لتحضر حفل او مشوار وتعمل تغيير شوي بشكلك ..
عاطفياً:لا تكون خيالي وخليك على واقعي مو كلشي بنتمناه بصير او بنحققه عندك عاطفة وحب وانا معك ومقدر هاشي بس لا تصعب الامور ودور على شخص يفهمك ويستاهلك وخفف طلبات وبلا نق ما فينا نجيب شخص على مزاجنا … هيك صعب كتير نوصل لحل برغم في اشخاص معجبة فيك وممكن بدا القرب منك .. والبعض برغم انو الوضع مو كتير منيح وفي نقار لكن كمان في فرصة لنحصل على حلول وتفاهمات وممكن نعمل لقاء او اتصالات بهاليوم .. بس المسا انت عصبي شوي ..
صحياً:انت عندك قدرة تتجاوز الوزن زائد اذا كان موجود لكن يلزمك ثبات على ممارسة الرياضة..
❤غنيتك❤اليوم: يامرايتي .. اليسا

توقعات برج الجوزاء اليوم الاحد 17 نوفمبر 2019


الجوزاء ♊
لديكم مكسب مالي في طريقه إليكم. تعثرون على غرض كان ضائعا أو تحصلون على هدية.

مهنياً:مال بنهارك وسفر وتغييرات من المسا ..
يومك بدو تنظيم واعادة حسابات وشوية دبلوماسية بتعامل .. قدامك خيارات كتيرة بس انت كمان لا تصعب الامور وحاول تتجاوز الصعوبات بيومك لانك مشغول بكذا قصة وهاشي بدو سلاسة بتعامل مع المواقف صعبة ومع بعض العراقيل .. لازم تظبط وضعك المالي في صرف وممكن تقبض اليوم بعد فترة صار فيا ركود .. المسا انت احسن وتتطورات ايجابية وحرية وحركة اكتر واتصالات وفرصة لتناقش بشي مهم عندك اوشغل ويمكن نسمع خبر حلو و اجواء اجتماعية حلوة ..
عاطفياً:كون بعيد عن الامور العاطفية بنهارك واذا براسك شي فأجلو للمسا افضل الك مو مرتاح ومتوتر وفي عصبية نتظر للمسا ممكن الامور تهدا وتتحسن وانت بحاجة للاستقرار ولا تخلي الاخرين يدخلو بينك وبين الشريك لان ناس مابدا ياك ترتاح بعلاقتك او تستمر فيها المسا انت جذاب ولقاء مع شخص بتحبو …
صحياً:افضل حل لراحة نفسية والبعد عن المشاكل هو الترفيه عن نفسك ولاستجمام بأماكن طبيعية..
❤غنيتك❤اليوم: خد بالك عليا .. اليسا

توقعات برج السرطان اليوم الاحد 17 نوفمبر 2019


السرطان ♋
تشعرون بالطاقة والنشاط ،لذلك بامكانكم انجاز قسط كبير من مهامكم و مشاغلكم ..وشعبيتكم في تصاعد

مهنياً:تطورات ايجابية وامورك بنهارك افضل حاول تستغل وجود القمر ببرجك للمسا وبلاخص اذا عندك شغل كتير لان الامور فيها تحسن وممكن تتطورات مالية ومابدي ياك تأجل شي وفرصة وخبر حلو واجواء مميزة .. المسا ممكن في شويت ضغوط ومصاريف مالية وركز شوي ع الوضع ونظم امورك وبلا ماضوج بشغلك امور مالية او شراكة مال وفرصة عند البعض ليجي مدخول من شغلو وتحسن ..
عاطفياً:تحسن ومصالحات والاجواء فيا هدوء نوعاً ما وفرصة ليصير اعجاب بيومك وانت ساحر وجذاب ونقاشات وقضايا مهمة بوضعك العاطفي وبتوقع امورك نشالله بتلاقي حلول ونتائج بترضي طرفين .. وفيك تطلع مشوار او لقاء مع الشريك واجواء حلوة وبلاخص الغير مرتبط …
صحياً:عم تعاني من مشاكل صحية متكررة وهذا سبب توتر وعدم مواصلت شغلك بالحالة الطبيعية..
❤غنيتك❤اليوم:وحياة الحب .. اليسا
برج الأسد 2019


الأسد ♌
تشعرون بالضغط والتعب.لا تبالغوا في جهدكم الجسماني وانجزوا ماهو ضروري من عملكم

مهنياً:مو مرتاح بنهارك وضغط وتوتر عم تعاني منو ومحيطك مزعج الك وماعم تعرف كيف ممكن تطلع منو وبعض العلاقات عم تتأثر بنهارك .. بنصحك تفكر تطلع من جوك وتكون بعيد عن نقاشات .. المسا عم يدخل القمر على برجك بتلاقي امورك عم تبلش تكون افضل واحسن وممكن نلاقي حلول او خبر بحسن من معنوياتك وحتى طاقتك بتبلش ترجعلك وثقة كمان حاول تستغل الاجواء المسا لتعمل لبدك ياه ولتطلع وتغير جو مع ناس بتحبن وفيك تسافر اذا ناوي .
عاطفياً:بدي منك لا تتسرع بشي وتهدي شوي ولاتقدم على اي تصرف او عمل مو حاسب حسابو مابدي لامور تفلت من ايدك حاول ترجع تسيطر افضل ماتسبب لحالك مشاكل انت بالغنى عنها.. المسا بدي منك تفكر تساير شوي وتعطي الشريك فرصة جديدة يعني اذا بيستاهل هاشي.. نتبه لنهار والمسا الاجواء افضل وجاذبية لا تقاوم وممكن حب قديم يرجع او حب عن طريق صدفة او حفل او مناسبة ولقاء حلو بتخطف الاضواء في وبتسمع حكي حلو ..
صحياً:نتبهلي للافراط في تناول طعام واذا عندك رغبة تبعها بلارادة لاستعادة توازنك ولتوصل لصحة جيدة..
❤غنيتك❤اليوم: وبيستحي .. اليسا

توقعات برج العذراء اليوم الاحد 17 نوفمبر 2019


العذراء ♍
تنشطون اجتماعيا وتلتقون بأصدقائكم وتشاركون في حفلة أو مناسبة سعيدة

مهنياً: كون حذر من اندفاعك بس هاشي مافيك تستغنى عنو بتحب تغامر لان هاشي بيعطيك دافع قوي لتحسن امورك وتكون منيحة وانت امام نهار عم تكتر فيه لقاءات والعزائم ودعوات واجواء اجتماعية حلوة بدي منك تستغل نهارك وتغير جو ولا تبقى لحالك والمسا بلا عصبية ولا ترد ع كلام ناس وبلاخص المقربين وحافظ على اسرارك وكون جاهز المسا لاي طارئ ولا تبقى لحالك وغير جو بسهرة حلوة وناس بتحبا ..
عاطفياً:بنهارك افضل والمسا منرفز ومو عبالك شي ونتبه من سوء تفاهم .. امورك العاطفية في تحسن وممكن الاستقرار موجود بهاليوم وفي هدوء وعم تحس بأنو الأجواء بتجاه الافضل والبعض بدي منك تركز على شخص واحد وتختار صح ولا تحتار او ضيع بين الماضي والحاضر ركز وامورك بتكون تمام بشرط الاختيار الشخص المناسب ..
صحياً:لازم تنتبه على وضعك صحي وتحط خطة صحية اكثر نشاط وحيوية لتحسين امورك بشكل افضل..
❤غنيتك❤اليوم:يابتفكر يابتحس مافيك توقف بنص .. شيرين

توقعات برج الميزان اليوم الاحد 17 نوفمبر 2019


الميزان ♎
تركزون على عملكم، والفرصة متاحة لمن يبحث عن عمل

مهنياً:بتمر بفترة من الاختبارات للاوضاع عندك العائلية وبشغلك وبحالتك الاجتماعية عم تلاقي صعوبة بهيك يوم انت بدك تكون قد هاشي وتثبت نفسك وتكون جدير بثقة وحاول تواجه الاحداث أستغل طاقتك وحيويتك ونشاطك لتتجاوز اي مشكلة او اشكالية ممكن تصير معك .. حاول تمرق الأمور بنهار وتأجل المهم عندك لان المسا امورك افضل طاقة ونشاط وناس ومحبين حواليك وممكن لقاء مع حدا بتحبو واجواء ايجابية وبلاخص اجتماعياً وسهرة ممتعة ومميزة بتلاقي شعبية كبيرة ..
عاطفياً:حاول تهدي حالك وبلا ماتكبر الامور العصبية والعناد مابوصلو لنتيجة ومابحلو مشاكل وبلاخص حاول تتنازل شوي ولا ضل متمسك برأيك والوضع العاطفي بيتحسن لاتخاف وبكون منيح بس متل ماعم قلك لا تصعد بهيك يوم والمسا انت افضل بتواصل واتصالات او لقاءات طويلة وممكن حب يكبر … والبعض عندو علاقات سرية واجواء حميمية .
صحياً:نتبهلي على حالك من عصبيتك وهدي اعصابك لان هاشي اكيد رح يوقعك بمشاكل صحية..
❤غنيتك❤اليوم: ارحم قلبي المشتاق .. اليسا

توقعات برج العقرب اليوم الاحد 17 نوفمبر 2019


العقرب ♏
تنشغلون بالاتصالات الضرورية خارج البلد.انتبهوا أثناء السياقة

مهنياً:اتصالات وعقارات وبتعمل تغييرات بشخصيتك وعم تحاول تبعد عن بعض العادات .. لازم تبزل مجهود لتحصل على شي الي بدك ياه يومك في طاقة وتغييرات واجواء حلوة .. الحظ بيدعمك اليوم خلص امورك بكير ولا تأجل شي عم تكون منفتح وعندك تواصل كبير مع محيطك . المسا مابدي ياك تتردد بشي لان ممكن يكون في بعض تعديلات او تغيير بالوضع فكون جاهز لاي طارئ بعلاقاتك وبشغلك وبلاخص في ناس عم تشوه سمعتك ..
عاطفياً:اجواء حلوة بالعاطفة حاول تكون اكتر انفتاح على الشريك وتكون مرتاح بتعاملك معو كتير وانت بيوم جذاب وحضور ملفت والمسا حاول تكون دبلوماسي ولا تعند على شي وتخذ القرار الصحيح مشان تبقى مسيطر على الوضع وتكون افضل ..
صحياً:سبب زيادة الوزن عندك اغلبها عن طريق تناول طعام وانت مشغول ع الانترنت او عم تشوف تلفزيون وغيرها .. هاشي عم يخليك تستهلك كمية اكبر من طعام بدون ماتحس بهاشي نظم وجباتك الغذائية ..
❤غنيتك❤اليوم:اخد عقلي .. حسين ديك

توقعات برج القوس اليوم الاحد 17 نوفمبر 2019


القوس ♐
لديكم مكسب مالي.انتبهوا إلى صحتكم.شكلكم جميل وجذاب لدى الجنس الآخر

مهنياً:مال بين قبض ودفع بنهارك ولاجواء افضل وتحسن ببلش من المسا على اغلب الاصعدة … لا تعمل مشاكل بشغلك وحاول تضبط علاقاتك هالفترة وانت امام يوم مميز وداعم الك وممكن يكون في لقاء مهم او خبر مفاجئ او ممكن تحصل على شي نطرتو كتير .. خليك متفائل بهاليوم وعندك قصص كتير وشغل بدك تشتغلو وممكن مجالات كتيرة تنفتح قدامك هالفترة حتى عم تعيد حساباتك المالية وعم تضبط مصروفك وعم تعمل مصالحات اذا كان عندك هيك شي واتصالات وسفر ولا تخاف ع وضع اليوم كلو بكون تمام وبيمشي متل مابدك ان شالله ..
عاطفياً:عم يحمل نهارك شوية صعوبة وممكن ماعم تعرف شو بدك وعم تعاني بعض الحيرة وممكن واضح عليك الارتباك وبدي منك تتقرب من الشريك ولا تخلي حدا يدخل بوضعك وبعلاقتك وحاول تقضي هاليوم بعيد عن الحواليك وامورك المسا افضل وتحسن ببلش بالوضع العاطفي في صلحة او لقاءات واتصالات طويلة وجاذبيتك بتزيد وحب عم يدق بابك ..
صحياً:عليك الابتعاد عن الاطعمة التي تحتوي على الدسم وخفف من تناول الطعام بشكل سريع ..
❤غنيتك❤اليوم:حبك وجع .. اليسا

توقعات برج الجدي اليوم الاحد 17 نوفمبر 2019


الجدي ♑
يخفّ الضغط عليكم اليوم وتركزون على موضوع الشراكة.الأجواء الرومنسية لن تكون دافئة

مهنياً:مسؤوليات وضغط وعلاقات وشراكات بتشغلك والمسا مال وموارد جديدة وعم تصرف .. شايل حمل كبير وانت الاوضاع تعبتك وعندك حالة من تشتت وضجر والملل مع انو الاجواء مساعدة لتغير شي .. امور عائلة او بشغلك قصة ممكن توترك وضغط عليك بزيد والمسؤوليات عم تكبر حاول تروق بنهارك وتهدي وبلا انفعال .. المسا امورك بتبلش تهدا نوعاً ما وتحسن ولقاءات واذا شي مشكلة بتنحل وممكن ناس بتحبا جنبك وفرصة لمسا لتجهز او لتم او تتفق على شي مهم واجواء مريحة ومال عندك ..
عاطفياً:روق بنهارك ولمسا مشوار برفقة الشريك أو اتصالات عاطفية واجواء رومنسية .. نتبه ولا تتسرع بهيك يوم ضعيف الحظ عاطفياً ممكن تفلت الامور من ايدك لهيك بدي حذرك تكون صاحي ولا تخلي حدا يدخل بينك وبين الشريك مو ناقصك مشاكل والي فيك مكفيك كون جاهز لاي تغيير مابدي ياك تخسر .. وفترة عند البعض ليفكر يتم شراكة او ارتباط .. ونتبه من تعدد العلاقات لان في شكوك حولك ..
صحياً:خفف تشنجات وبتعد عن الاضطرابات وضغوط لترتاح نفسيتك وحاجتك هموم وتفكير بانو ممكن يصير شي بأي لحظة ..
❤غنيتك❤اليوم: قولي أحبك .. كاظم

التعليقات مغلقة.