فهمونا علاش مبغيتوش ديرو لينا التحاليل وحنا مخالطين.؟؟

شهد عشية اليوم المركز الصحي الحضري تابريكت سلا احتجاجات من طرف عائلات مخالطة, يعيشون في منزل واحد وجوج ديال الأفراد فيه مصابين بكوفيد 19.
هاد العائلات دارت إجراء سليم مشات للمستشفى لي قريب ليهم لهو المركز الصحي بتابريكت وعلنات على الحالات لي عندها ولي زاد فالطين بلة هو تعامل الممرضين المسؤولين مع هاد الناس انه تم تصديرهم الى وقت لاحق  .
بالله عليكم فين بغيتوا هاد الناس يمشيو وهما معرفينش رأسهم واش مصابين ولا لا . ولا قدر الله وكان شي واحد مصاب شنو كدفعو بيه يدير …واش يخالط ناس اخرين ويتعامل معاهم  ,واش مكتشوفوش انكم بالتهاون ديالكم كتساعدوا على تفشي الوباء بقصد او دون قصد .
لي سمع الخرجات الإعلامية ديال وزارة الصحة والاشهارات على الكمامات والتباعد واش فنظركوم هاد الوسائل كافية باش توقف هاد الوباء لي كينخر فالمواطنين ويوميا كيحصد أرواح بريئة ذنبها الوحيد أنها معندهاش قدرة باش دير تحاليل فالقطاع الخاص.
هادي وصمة عار على جبينك أوزارة الصحة . وهادشي على رقبتك يا سيادة الوزير .
واش محانتش الوقت نوقفوا  هاد المهزلة ونسمعوا آهات هاد الناس لي ثاقو فوطنهم وفالحكومات اللي شبعاتهوم وعود.
اليكم أيها المسؤولون…. أرواحنا وحياة أطفالنا في رقابكم .
وندائنا لملكنا نصره الله لنقول له انقذنا يا ملكنا فإنهم يحتقروننا نعم شعبك يحتضر يا محمداه يا ملك المستضعفين والفقراء ……..اغيثونا وكيلنا الله.

متضرر