خليكوا ديما متمسكين بحاجه زمان لأنها ديما بتكون أحلي وكل سنه وانتوا طيبين يا حلوين

ربنا كافأنا بالعيد، كمكافأة لينا، لأننا صمنا شهرا كاملا ابتغاء مرضاة وجهك، يعني عملنا ده عشان يفرحنا فبلاش إحنا ننكد علي نفسنا بقا.

 
جماعه انزلوا اشتروا لبس جديد للعيد، زي زمان وهاتوا بونبوني وشيكولاته، واشتروا كحك، مش لازم غالي حتي لو من أي فرن، أو جمعوا بعض واعملوه في البيت زي زمان.

انزلوا صلوا العيد الصبح، وخلصوا صلاة، واطلعوا افطروا وهاتوا للأطفال بلونات وإلبسوا أحلي حاجة، وروحوا عيدوا علي قريباكوا وغيروا شويه فلوس لفلوس جديدة، وادوها للأطفال بتفرح أوووي بالفلوس الجديدة.

رجعوا فرحه العيد بتاع زمان، العيد متغيرش ولا إحساسه إتغير، إنتوا اللي بطلتوا تعملوا طقوس الفرحه بتاع زمان، ودلوقتي بتقولوا مبقناش حاسين بالعيد، أكيد هتحسوا إزاي وإنتوا بطلتوا تعملوا كل حاجه حلوه بتاع زمان.

خليكوا ديما متمسكين بحاجه زمان لأنها ديما بتكون أحلي وكل سنه وانتوا طيبين يا حلوين.

التعليقات مغلقة.