توقعات برجك اليوم السبت 09 ماي
توقعات برج الحمل اليوم السبت 09 مايو 2020
بـــــــــــ الحمل ـــــــــــرج
عليك اليوم ان تتمتع بالحكمة والدبلوماسية وتعطي انتباهك لشغلك وتتقيد بالتفاصيل المهمة لتقدر تعطي نتائج مرضية وتحاول ماتقصر ببعض الأمور الاساسية. بعد الضهر عم تزيد اتصالاتك مع بعض الأشخاص البعيدين عنك وعم تسمع اخبار جيدة . مبلغ مالي رح يوصلك وعم تقوم بسداد فواتير ودفع إلتزامات مهمة
❤عاطفيــا”… حاول تعطي الشريك اهتمام ومحبة ليزيد التفاهم بينك وبينه وتتجاوز بعض الخلافات السطحية
توقعات برج الثور اليوم السبت 09 مايو 2020
بـــــــــــ الثور ـــــــــــرج
خطواتك ثابتة وافكارك مدروسة ومحددة وهالشي عم يخليك واثق من نفسك وعم تشعر بالراحة بعملك لان انت منظم كل امورك وعم تحاول تبتعد عن الفوضى قدر المستطاع . اهتمامك بأحبابك وعائلتك عم يقوي علاقتك فيهم وعم تكسب تأييد احد الاخوة او الوالدين
❤عاطفيــا”… الشريك عم يفهمك ويقدر مشاعرك ورح يكون بجانبك وتسمع منه التشجيع والمديح
توقعات برج الجوزاء اليوم السبت 09 مايو 2020
بـــــــــــ الجوزاء ـــــــــــرج
تطورات وأحداث جديدة عم تشغلك اليوم وعم تشعر بمكانتك بشغلك وعم تحاول تعطي رأيك وتوضح وجهة نظرك. اليوم عندك فرصة لتثبت وجودك فحاول تستغلها وتكون قد المسؤولية . دخول وخروج للمال بشكل سريع وكلو عم يكون مصاريف ضرورية لهيك مارح تقدر تحتفظ بمبلغ مالي لوقت الضرورة
❤عاطفيــا”… عم تتجاوز عن بعض اخطاء الشريك وتحاول تتفهم وضعه وظروفه وهالشي رح يصلح العلاقة بينك وبينه
توقعات برج السرطان اليوم السبت 09 مايو 2020
بـــــــــــ السرطان ـــــــــــرج
انت اليوم حاسس حالك ملبك وعندك كتير افكار عم تدور براسك لكنك مقيد بظروف صعبة مانك عم تقدر تتجاوزها حاول تعيد ترتيب امورك وتنظمها من جديد لتقدر تعمل تغيير مناسب وتكمل إنجازاتك او تتابع خطواتك بنظام ودقة. شخص مقرب منك عم ينصحك وعم يقدم الك مساعدة حاول تكسبه لجانبك . وضعك المال محرج فلا تغامر بمصاريف جديدة
❤عاطفيــا”… عليك تكون واضح مع الشريك وتهتم بعلاقتك فيه حتى مايشعر بالملل وبيتعد عنك
توقعات برج الاسد اليوم السبت 09 مايو 2020
بـــــــــــ الاسد ـــــــــــرج
انت اليوم عم تكون اكتر تفاعل وانسجام مع الآخرين وعم تشعر بمسؤولية كبيرة وعم توضع كل طاقتك لتحقق نجاح مميز تعاون بعض الأطراف معك عم يعطيك حافز للتقدم بشغلك . ممكن تتواصل مع شخص عزيز عليك وتهتم ببعض اموره الخاصة. حاول ماتهدر مالك وتتحكم يمشترياتك اكتر
❤عاطفيــا”… انسجام مع الشريك بيرجع للعلاقة حيويتها فحاول تهتم فيه لتحافظ على علاقتك معه
توقعات برج العذراء اليوم السبت 09 مايو 2020
بـــــــــــ العذراء ـــــــــــرج
ممكن تعاني من بعض الضغوط بالعمل وتبذل مجهود مضاعف لتحقق غايتك وتوصل لهدفك بنصحك اليوم تكون دبلوماسي وتمرق هالنهار ع خير وتحاول تتجنب الدخول بنقاشات حادة مع الشركاء او الزملاء. معاملات نالية عم تعيد ترتيبها لتعرف شو الك وشو عليك وتسدد بعض الفواتير
❤عاطفيــا”… حاول تعطي الشريك اهتمام ومحبة ليكون بجانبك بالظروف الصعبة
توقعات برج الميزان اليوم السبت 09 مايو 2020
بـــــــــــ الميزان ـــــــــــرج
انت اليوم بتتميز بالهدوء والرزانة وعم تتحكم بالظروف حسب طاقتك ومصلحتك وهالشي عم يأثر إيجابا على مستوى العمل وعم تزيد كفاءتك ومهارتك . اليوم عندك بعض الحوارات بفترة الظهيرة مع شركاء او زملاء وتعمل تعديل بمسار العمل . تحسن بالوضع المالي عم يريحك
❤عاطفيــا”… وجودك بقرب الشريك عم يرفع من معنوياته لهيك حاول تضلك قريب منه
توقعات برج العقرب اليوم السبت 09 مايو 2020
بـــــــــــ العقرب ـــــــــــرج
انت اليوم عم تخبي اسرارك وفي مواضيع شاغلي بالك ممكن تشعر بالوحدة وتشعر بإن كل الاصدقاء مشغولين عنك حاول تتقرب منهم وتطرح افكارك رح تحظى بمحبتهم ودعمهم الك . بتعيد اليوم حساباتك المالية وعم تقوم بسداد دين او قرض
❤عاطفيــا”… بعض الخلافات مع الشريك بسب سوء تفاهم بسيط حاول تفهم وجهة نظره وتشاركه افكاره
توقعات برج القوس اليوم السبت 09 مايو 2020
بــــــــــ القوس ـــــــــــرج
انت اليوم عندك القدرة للقيادة وعم تتحكم بأعمالك بشكل جيد وممكن تهتم ببعض الامور المنطقية او الفلسفية وتكون مصلح اجتماعي بين عدد من الافراد وعم تعطي نصائح مفيدة . حاول تعمل تدبير جيد لمصروفك وماتهدر مالك بمشتريات إضافية وجانبية
❤عاطفيــا”.. خفف من انتقادك للشريك وحاول تتجنب أخطاؤه وتكون قريب منه ولجانبه
توقعات برج الجدي اليوم السبت 09 مايو 2020
بـــــــــــ الجدي ـــــــــــرج
اليوم حظوظك قوية وعندك كتير مفاجآت حلوة بشغلك عليك فقط ترتب مواعيدك وتنظمها ورح يكون في تطورات جيدة بالشغل وعم تحصل على نتائج جيدة او ترقيه بعملك . ممكن تهمل بعض الواجبات العائلية بسبب ظروفك لكن رح تتمكن من كسب محبة الجميع بكلامك الحلو. عندك مصاريف ضرورية ومشتريات اليوم
❤عاطفيــا”.. بتحظى بمحبة الشريك واهتمامه وهالشي لازم تحافظ عليه وماتخسره
توقعات برج الدلو اليوم السبت 09 مايو 2020
بـــــــــــ الدلو ـــــــــــرج
تبدو اليوم مشرق ومتفائل وبتمتلك ابتسامة جذابة عم تلفت نظر المحيطين فيك وعم تكسب محبتهم الك بعض الامور بشغلك عم تابعها بشكل جيد ومكثف ممكن تاخد قرار مهم وشخص مفرب منك بيدعمك وبيساندك معنويا . ماليا اضبط ميزانيتك وحدد نفقاتك المهنة
❤عاطفيــا”.. علاقتك مع الشريك مستقرة و فيها انسجام وتفاهم
توقعات برج الحوت اليوم السبت 09 مايو 2020
بـــــــــــ الحوت ـــــــــــرج
انت اليوم بتشعر بالراحة والاستقرار بعد فترة من التعب عم تحقق تقدم جيد او تكمل خطوة بمشروع شخصي عم تشعر بالفخر بأعمالك وعم تنال نتيجة تعبك وجهدك . سفر بيعرض عليك وبتأجله بسبب ظروف عملك . مبلغ من المال عم تصرفه لبعض الكماليات
❤عاطفيــا”.. مشاعرك فاترة نحو الشريك حاول تكسر الروتين وتتقرب منه اكتر
التعليقات مغلقة.