حظك اليوم الخميس
توقعات برج الحمل اليوم الخميس 05 مارس 2020
الحمل ♈
حاول الإصلاح مراراً وتكراراً اليوم وضَع حد لأي انفعالات لا نتيجة إيجابية منها ، فأحوالك العائلية لاتزال تحمل بعض الإضطراب والتشويش.
مهنياً:يوم للعائلة وقصص بتخص حدا بعيلتك او موضوع سكن بيشغلك وبدك حلول نظم امورك وعيد حساباتك وكون دقيق .. عم تتعرض لشوية ضغوط ضمن بيتك او بلامور العائلية بشكل عام وحاسس بتوتر وقصة ممكن تشغلك لاحد اخواتك او ابنائك عم تهتم بأمور عقارية او يمكن الها علاقة بعقد ما او اجار عند البعض او ممكن تغير بيتك هالفترة .. انت محتاج تكون لحالك وترتاح تحمل شوي وفترة وبتمر طول بالك وبلا ماتكبر المواضيع وتعصب ونشالله تحسن تدريجي من الجمعة ..
عاطفياً:مرق هاليوم ع خير وكتير اخبار حلوة ناطرتك كون هادئ هاليوم وبلاخص بالمعاملة وبلا ماتعصب وتدايق مانك مرتاح وحاسس في قلت اهتمام ومشاكل وماعم تفهم على الشريك هدي هاليوم حتى مايطلع صوتك .. حاول دافع عن نفسك بعيد عن الاستفزاز وتوترات بالعلاقة ..
صحياً:مو ناقصك مشاكل صحية لهيك بعد عن نقاشات وتوترات نتبه له شي وروق مافي شي مستاهل ..
❤غنيتك❤اليوم:اكتر ناس عرفو صح هني الي عملو غلط … ناصيف زيتون
توقعات برج الثور اليوم الخميس 05 مارس 2020
الثور ♉
أنت في مرحلة تقدّم وإنجاز ، واليوم إتصالك مع الآخرين وذهنك المرن يضعك أمام طرق وخيارات جديدة لتحقيق مصالحك، فرتّب اليوم أمورك فالأجواء نشطة وملائمة.
مهنياً:يوم لسفر وعقارات وعلم جديد .. قادر توصل وتنجح اذا عندك اختبار او امتحان او مقابلة وممكن عندك شراء او بيع خليك واقعي ولا تهتم للوعود وللكلام بدك شي ملموس .. فرصة لشغل او تنقل وحركة وسفرة قصيرة تواصل واتصالات مهمة وهاشي بحسن من شروطك وطاقتك بهاليوم لتنجح برغم من كل الصعوبات والعراقيل وتمتع بأجازة هالفترة ..
عاطفياً:انت كتير حليان اليوم وجاذبيتك وسحرك عم تمارسه ع الكل وانت بموقع كتار بدهم القرب منك لازم تكون اكتر شفافية ودبلوماسية وكون واضح بتعامل وفيك بهاليوم تتقرب من الشريك اذا موجود وتحل بعض الامور العالقة او لتتقرب من شخص بهمك امرو .. استغل هاليوم بأوقات ولحظات حلوة وتواصل واتصالات ..
صحياً:الرياضة مفيدة الك بلاخص لاعصابك..وعم تتفق مع رفقاتك او مع ناس بمشوار او سفرة قصير لتغير جو كتير منيح الك هالفترة وبشجعك على هاشي .
❤غنيتك❤اليوم:كرمالك …اليسا
توقعات برج الجوزاء اليوم الخميس 05 مارس 2020
الجوزاء ♊
ضغوط على صعيدك المالي تتطلب منك التمهّل والتريث بالنفقات ، فمن الأفضل لك اليوم وضع أولويات لمصاريفك والتخفيف من الأمور الغير ضرورية.
مهنياً:نتبه المصاريفك المالية ونقاشات بتخص المال..
يومك بدور بين قبض ودفع وصار لازم تفكر بموارد جديدة وتواكب تطورات وتحاول تتكيف مع الظروف تطورات مالية .. عم تغير من طريقتك وحتى الوضع حواليك عم يتغير وممكن عم تفكر تتعلم شي جديد او تفوت بمجال او شغل جديد لا تتهاون بشغلك وتابع امورك ونظم امورك المالية بشكل جيد ..
عاطفياً:برغم من جاذبيتك بس يبدو مانك بأفضل أيامك يمكن مانك عم تتحمل الوضع ومامرتاح من الشريك وتصرفاتو لازم تتفهم وجهة نظرو ولا تعمل من الحبة قبة وتكبر القصص يوم متقلب عاطفياً .. والبعض بفكر بشخص ومابيعرف شو بدو .. وبعض العلاقات ممكن تطور وتتحسن بهاليوم ..
صحياً:اي عارض صحي ممكن تشعر به مهما كان صغير تابعه ولا تهمله وبتعد عن الانفعالات ممكن تسبب لك وضع صحي…
❤غنيتك❤اليوم:الفرقة صعبة…جورج وسوف
توقعات برج السرطان اليوم الخميس 05 مارس 2020
السرطان ♋
متوازن اليوم ، وتنطلق من أسس صحيحة نحو ترتيب أوضاعك وإجراء بعض التعديلات الضرورية ، فاليوم للقرارات والخيارات وأنت تحسم أمرك بما تراه مناسباً لك.
مهنياً:طاقة وسفر ونقاشات مهمة .. القمر ببرجك الحظ حدك وبرافقك بكلشي بدك تعملو حاول تبذل جهد لتوصل وتنجح ومافي شي بيجي من دون تعب بلاخص اذا الحظ عم يساندك بادر بالحلول وبأيجاد خطواط اكثر فاعلية بتحقق نجاح بشغلك وهناك وعود ايجابية .. وممكن تكتشف بعض الاشخاص على حقيقتها..
عاطفياً:جذاب وعاطفي والعين عليك فرصة لتظبط امورك برغم من الوضع ما كان منيح او سوء تفاهم كان موجود يوم فيك تصلح الوضع وتمرقو على خير وتلاقي حلول .. حاول تفهم الشريك وتوصل عاطفتك وحبك بشكل اوضح واستغل انك من الايام الي بتكون فيها بكامل جاذبيتك لارتباط وحب ..
صحياً:نتبه لأكل اليوم ممكن عندك عارض صحي ممكن بالجهاز الهضمي او بالمعدة بتحديد..
❤غنيتك❤اليوم:لا بعدك حبيبي..وائل جسار
توقعات برج الاسد اليوم الخميس 05 مارس 2020
الأسد ♌
حُسن تصرفك وهدوءك اليوم يجنبك مواقف سلبية أنت بغنى عنها ، فكن حريصاً على كلامك وردات فعلك مع الآخرين وخاصة الأكبر منك سناً أو مرتبة ، والتزم الأصول فيما تفعل.
مهنياً:روق هاليوم ولا تتسرع ونشالله أمورك من الجمعة بتتحسن كتير .. حاول تخلص الامور ضرورية هاليوم ولا تفوت بنقاشات وساير قد مافيك بدون انفعال وعصبية لانك كتير ضايج ومكركبة امورك وعم تعاني من نفاق وخذلان .. عم تفكر بشي خاص فيك ممكن تقدم على عملية شراء او عندك اهتمام بمشروع او عرض مقدمة .. نتبه الاعطال والكسر او ضيع شي مهم او اوراق .
عاطفياً:مانك مرتاح والشريك ماعم يأدي دوره بشكل فعال وهاشي كتير عم يدايقك الحمل عليك عم تواجه بعض المصاعب والعراقيل في فقدان لثقة والوحدة عم تأثر فيك بس اكيد مو الكل هيك لبعض شريك بدو يراضي بعد توتر الاجواء من المسا رح تكون افضل ..
صحياً:قلقان لوضع صحي ممكن الك او لحدا بخصك حاول تنتبه ولا تهمل ضروري ..
❤غنيتك❤اليوم:طفران وعايف حالي.. علي ديك
توقعات برج العذراء اليوم الخميس 05 مارس 2020
العذراء ♍
فوضى إجتماعية تقع بها اليوم ، فتتعدد الخيارات وتكثر المواعيد والمناسبات التي تجمعك بالناس ، مما يجعلك تُهمل بعض الإلتزامات الشخصية.
مهنياً:نقلات وحركة وناس حولك وانت افضل اجتماعياً عم تكون بين رفقاتك واهلك وقادر تنجح وتوصل وتتواصل بهاليوم ويكون الك خصوصية معينة عم تتغير الاجواء لصالحك واشياء ايجابية بس نتبهلي من أرأئك وحافظ على نجاحاتك ولا تتكاسل بتحسن امورك نحو الافضل بترتاح من ضغوط نفسية والجسدية وعزيمة او دعوة ولمة حلوة …
عاطفياً:برغم الوضع انت افضل عاطفياً .. يوم حلو ومميز عاطفياً استغل جاذبيتك ومحبة ناس الك لتكون منيح وتلاقي الاعجاب فيك .. حاول تهدي بعواطفك ولا تندفع زيادة او تتكاس في تعبير عن مشاعرك وعواطفك حاول تتبع حدسك وعتمد مبدئ الوسطية في المعاملة لتكون مميز وتتحسن امورك وتعيش يوم حلو ..
صحياً:لا تجهد حالك بهاليوم جسمك بحاجة لراحة كمان خلص شغلك وشي المهم بس ..
❤غنيتك❤اليوم:أحبيني بلا عقد .. كاظم الساهر
توقعات برج الميزان اليوم الخميس 05 مارس 2020
الميزان ♎
تزداد حساسيتك اليوم وتُصيب سلوكك بالتسرّع والإندفاع وخاصة مع زملاءك أو رؤساءك بالعمل ، فلا تضخم الأمور واحذف منها الأبعاد الشخصية حفاظاً على علاقاتك ومصالحك.
مهنياً:يوم للعمل والعلاقات الأجتماعية .. عندك مهام جديدة ومسؤوليات وتحديات بيومك جهز حالك لتوصل لسمعة طيبة وشهرة ودعم الاجتماعي لا تتسرع بشيء اليوم وخليك حكيم ودبلوماسي حاول تهدي اي خلاف بيومك حتى ماتخسر صديق او غالي .. عندك فرصة بهاليوم لتشوف حدا مهم او مقابلة وممكن تبحث عن شي جديد وحلول لمشاكلك خليك مركز على امورك الخاصة وبتعد عن ناس سلبية بحياتك ونشالله امورك بتتحسن.
عاطفياً:نتبه لسمعتك ولا تتسرع بلاخبار المغرضة ونتبهلي لكلامك وتصرفاتك وحسبها صح برغم انو هاليوم عم يكون في امور عشوائية لانك انت مو مرتاح من جوا بلاخص للمرتبط الخيارات محدودة اما الاستمرار او نتحمل الوضع كما هو .. والبعض الاعزب والغير خاطب عم يقضي وقت حلو واتصالات مع الشريك ..
صحياً:عندك نوع من تعب والارهاق النفسي والعصبي نتبه من هاشي رح يأثر على صحتك…
❤غنيتك❤اليوم:انتبه على حالك كرمالي..وائل جسار
توقعات برج العقرب اليوم الخميس 05 مارس 2020
العقرب ♏
أنت اليوم أكثر توازناً وأقل تأثراً بالسلبيات، فعقلك متفتح لما هو إيجابي والأخبار تبشرك بإنفراج وتحسّن ابتداءاً من داخلك وانتهاءاً بحلول لأمور كانت مصدر لقلقك.
مهنياً:بتتحرر من كتير قيود وطاقتك أيجابية واجواء مميزة . انت قادر تقنع وتوصل افكارك ويومك في احداث ايجابية وحركة ومجاذفة بتلاقي حل لقصة تعبتك ومبادرات جديدة عم تتلقى اتصال جيد او لعزيمة او عرض مهم .. بتفكر بسفر وعندك فرصة لتسافر وهاشي بخليك تغير روتينك وتتخلى عن بعض العادات ورح تلاقي تقدير لجهودك حاول تكون حذر من ناس الي بوجهين وأستغل دعم القمر الك ..
عاطفياً:جاذبية واندفاع عاطفي وارتباط ممكن عند الاعزب .. خبر حلو بتتلقاه هاليوم وهاشي بيعطيك راحة وطمأنينة وبزيد طموحك لتحسن علاقتك مع الشريك .. كون دبلوماسي بتعامل ولا تعقد الامور لان في قصص صغيرة بدي منك لا تعمل من الحبة قبة او تكون عنيد .. ولا ترد على شائعات وبادر لتحسن امورك لان كتير ظروف بتساعدك له شي خليك بحد الشريك وامنحه الامان وثقة لتعود الامور لمجراها صحيح..
صحياً:تحسن صحي وشفاء من مرض ونفسياً بترتاح كتير وتمتع بصحة جيدة هاليوم..
❤غنيتك❤اليوم:ما أروعك..حسين الجسمي
توقعات برج القوس اليوم الخميس 05 مارس 2020
القوس ♐
الأجواء حولك جيدة والعلاقات إيجابية، والظروف تقدم لك نتائج حقيقية وملموسة ، فاليوم استفيد من نصائح أو إستشارات وحاور محيطك بما تنوي فعله ، فأنت محمي من الخيبات.
مهنياً:امور مالية ومصالحات وبتأسس لمرحة افضل بالحظ وطاقة ونجاح .. تابع امورك لتنجح ولا تخلي حدا يشكك بقدراتك او يكون الو فضل عليك فترة مهمة عندك لتتخلص من امور قضائية او محاكم وقانونية اذا عندك .. نتبه للامور المالية لانك مشغول بقصص مالية ونقاشات بالمال ودفع فواتير ومستحقات وموارد مشتركة والبعض بيقبض اليوم ..
عاطفياً:المرتبط بدك تهدي حالك وتبعد عن توترات ونرفزة وتوجيه الكلام العشوائي .. حاول تخصص وقت لحبك ولا تخلي شي يأثر عليك حاول تكون دبلوماسي وخفف من طباعك الحادة وروق بمعاملتك عندك فرصة ليصير تقارب وايجاد مخارج وحلول لهذا الوضع بهيك يوم .. وفرصة لبعض يصير عجاب وارتباط .
صحياً:قاوم الأغراءات هاليوم بلاخص ببعض الاطعمة الي بتحبا ونتبه لوزنك .
❤غنيتك❤اليوم:خلص ستحي…ناصيف زيتون
توقعات برج الجدي اليوم الخميس 05 مارس 2020
الجدي ♑
تصرّف اليوم على أسس سليمة ولاتتجاوزها، لأن اليوم قد تظهر بعض العراقيل أو العقبات مما يؤخر أمور كنت تعوّل عليها أو تنوي فعلها ، فحافظ على إيجابيتك ولا تضيّع جهودك الماضية بلحظة إنفعال.
مهنياً:بعدك مضغوط بشغل وماعم تلحق وافكار كتيرة عم تشغلك هدي وروق ولانفراجات رح تكون قريبة لاتهتم لكلام البعض او اذا في مضايقات رتب امورك واحسمها ولا تعلق حالك بأشخاص عم توعد وماتوفي لمهم تكون حكيم بمعالجة بعض توترات والمضايقات وبلا عصبية .. كمان بدي البعض ينتبه للمعاملات وسجلات ويدقق فيها منيح حتى بتشغلك قصة عقد او شراكة او شريك وممكن عم تجهز لسفر ..
عاطفياً:نتبهلي على علاقتك هالفترة مابدي ياك تخسر شريك بغلطة او خطأ بينحل بشوية تفاهم هدي اعصابك ولا تتردد او تحتار بشي اليوم لتوصل للاستقرار وممكن البعض عندو ارتباط .. وفي تواصل بعلاقات متعددة عند البعض وفرصة لتم شراكة او تلتقي بشريك واتصال ..
صحياً:مشاكل الاسنان ممكن تعود او طفح جلدي او حساسية نتبه وشوف طبيب وبتشفى من مرض ..
❤غنيتك❤اليوم:قلت مليون مرة حبك..وائل جسار
توقعات برج الدلو اليوم الخميس 05 مارس 2020
الدلو ♒
مشتت الذهن اليوم وتعاني من قلة تركيز سببها إرهاق أو انخفاض بطاقتك العملية ، وربما تتراكم المشاغل والأعمال وتحتاج لتنظيمها واختيار الأهم منها لإتمامها.
مهنياً:يوم للعمل والامور الصحية عم تشغلك ..
لا تخلي لاعمال تتراكم عليك وخلص شغلك الي بأيدك لتبلش بشغل تاني كون دقيق بمواعيدك وبحساباتك وبلش بضروري .. في كتير اعمال ممكن تقوم فيها بس خلص المهم والي محتاجو وممكن في اختبار او امتحان جهز حالك هاليومين وفرصة لتعبر عن افكارك وشي جديد وسفر ممكن .. لمهم لا تشغل حالك بكثرة التفكير وبلاخص الافكار السلبية المتشائمة ..
عاطفياً:في برودة بعلاقاتك ولازمك حل .. عم ضيع بين علاقة قديمة او أرتباط جديد او عندك حنين لشخص .. لا تلتفت للوراء وعيش يومك والي بقي معك تمسك فيه ولا ترجع لعلاقة متعبة خلي عينك لقدام دائماً وخليك واثق بحالك وبعاطفتك وأحساسك وبتوقع في ناس كتير معجبة فيك وتواصل رح يكبر ..
صحياً:عم تعاني من حساسية جلدية وممكن حاسس بأنتفاخ بمكان ما لا تهمل الامر وشوف طبيب والبعض بيهتم لحدا بعيلتو ..
❤غنيتك❤اليوم:ارحم قلبي المشتاق .. اليسا
توقعات برج الحوت اليوم الخميس 05 مارس 2020
الحوت ♓
قدراتك وإمكانياتك اليوم عالية وشديدة التأثير بمن حولك ، لتستفيد منها بخلق ظروف جديدة او إيجاد حلول مناسبة لما هو عالق، فاليوم لحركة تطويرية تعتمد على نقاشات ومفاوضات.
مهنياً:يوم جيد بالحظ وطاقة يوم واعد بأمور ايجابية وفرص متعددة ومشاركات وفعاليات واخبار حلوة وعزايم بيدعمك هاليوم بأفكار غنية وقدرة على تواصل ولتحقق نجاح بمجالك بعد اصرار وتصميم ..
ممكن في شي مالي عندك او اذا بحاجة مساعدة لا تتردد لقاء مهم وعندك تنقلات وفرصة لسفر وممكن في تهنئة لشي او هدية ..
عاطفياً:جاذبية وسحر خاص والعين عليك امور عم تتحسن ومصالحات بيومك وحلول رغم البرود والفتور الي كان مسيطر عليك في مبادرات بهاليوم لتملك قلب الشريك افضل من سوء تفاهم الحاصل خلي ثقة موجودة لتحل امورك .. فرصة الارتباط وشريك قديم ممكن يرجع ..
صحياً:عم تعاني الم بأسفل الظهر نتيجة الجلوس لفترة طويلة حتى نتبه من تحريك شي تقيل هاليوم ..
❤غنيتك❤اليوم:والله واحشني موت..ماجد المهندس
التعليقات مغلقة.