حظ برجك اليوم الأربعاء 3 يونيو
توقعات برج الحمل اليوم الاربعاء 03 يونيو 2020
الحمل ♈
مهنياً:قصص مالية بيومك وامور مشتركة وضرائب والبعض قصة ميراث .. هاشي بصب بمصلحتك المهنية وحلول لمشاكل ولقضايا ادارية حاول تكمل شغلك ولا تتراجع بأي شي بلشت في خفف من حدة كلامك ونتبه وفكر في منيح حتى لا تنفهم غلط او البعض عم ينقل كلامك غلط وبتنشغل بحدا بعيلتك بهاليوم وحلول لقصة بتخص المال.. يوم للمال بين دفع كتير وممكن القبض وزيادة بالمدخول ..
عاطفياً:لاعزب بدي منك تختار شخص يريح قلبك مو يتعبو اكتر .. انت بحاجة تغير روتينك وتساير شوي عم يكون عندك اهتمامات شخصية وملفت لنظر .. حاول لا تتسرع وتنتبه لكلامك ولردت فعلك كون دبلوماسي ولطيف بتحل مشاكل عاطفية وتحسن بوضعك وبعض الشراكات العاطفية بحاجة لحسم ..
صحياً:استغل طاقتك اليوم لتنجز اعمالك وتهتم بصحتك لا تستسلم وبادر للحلول صحية والحمية ..
توقعات برج الثور اليوم الاربعاء 03 يونيو 2020
❤غنيتك❤اليوم:ضمني على صدرك..كاظم
الثور ♉
مهنياً: رغم العقبات والمؤامرات وناس الي ناطرتك على غلط او الي عم يحاولو يستغلو وضعك حاول تنتبه من هيك ناس ونشالله مارح يقدرو واذا عندك شراكة نتبه من سوء تفاهم مع شريك يومك بدو تركيز لتقدر تلاقي حلول وتاخد احتياطك كون دبلوماسي ولا ضوج وتنزعج او حدا يستفزك والبعض عندو شراكة مهنية او مالية او عقود جديدة ..
عاطفياً:الاعزب يومك افضل فرصة لارتباط او تتعرف على شخص ويصير شراكة عاطفية بالمستقبل.. المرتبط هدي ولاتزيد الوضع سوء .. عليك بترطيب الاجواء وتخفيف من حدة الخلافات وبلاخص اليوم لانو مو لصالحك والاجواء فيها توتر وشريك مانو بهادنيا والغموض ممكن مايخليك تعرف تفكر منيح او ممكن الخلافات تأثر كتير على علاقتك وبعض المتزوجين ينتبهو على علاقتن بلاخص النساء ..
صحياً:خفف من الامور المجهدة والمتعبة جسدياً وفكرياً وحاول ترفه عن نفسك مع ناس بتحبن ..
توقعات برج الجوزاء اليوم الاربعاء 03 يونيو 2020
الجوزاء ♊
مهنياً:ضغط ومسؤوليات عم تكبر ولازم ترتاح .. يوم طويل وبتحس الاحداث عم تتسارع خطوات واتصالات طويلة يومك بحاجة لتركيز بشغل وبالمواعيد وبعلاقاتك الاجتماعية .. نتبه للوقت وخلص المهم وضروري حتى لا تتأخر .. بحاجة ترتيب وتنظيم بعيد عن النقاشات والجدالات مع ناس لا بتقدم ولا بتأخر لا تخالف القوانين خليك جدي بمعالجة كتير قصص حتى ماتسمع كلمة او توقع ببعض الألتباسات ممكن انت عم تعمل خير بس ماعم تلاقي من حدا ..
عاطفياً:عم تقضي وقت مع الشريك اتصال ولقاء طويل واحداث كتيرة .. علاقتك بحاجة لبذل جهد وتبعد عن توترات ولطمن قلبك شوي من ناحية الشريك .. بحاجة للمرح وسعادة بيومك وحدا يقدر وضعك ويهتم فيك.. فرصة لتغير وضعك العاطفي وتخفف ضغوط والهموم عنك ولتعمل مغامرة عاطفية ..البعض انسى الماضي لو كان في خير لبقى ودام ..
صحياً:نتبهلي على وضعك صحي لانك عم تتحمل مسؤوليات وممكن وعكة وشفاء للبعض من مرض متعب ..
توقعات برج السرطان اليوم الاربعاء 03 يونيو 2020
السرطان ♋
مهنياً:يومك في حظ وطاقة وتغيرات لصالحك .. انت بيوم حلو ومميز وفرصة واخبارة ناطرتك ولازم تستغل دعم الفلك لتحل بعض المشاكل العائلية والمهنية مع شخص مقرب ناس كتيرة بيومك وممكن جديدة واتفاق ورح يكون في تحسن مالي طفيف رغم دفع زائد بتخلص المهم وبترتاح من بعض الضغوط والقلق امورك افضل مهنياً مالياً وبما يخص الاطفال والانجاب عند البعض .
عاطفياً:يوم منيح ليكون عندك حب ورومنسية وغزل وكلام حلو بعد فترة متعبة .. القمر عم يدعم حظك العاطفي بهاليوم والعلاقة اكثر حميمية ولتتخلص من بعض العقبات .. يوم حلو وممتع بأتصالات ولقاءات وتقضية وقت كتير رومنسي وفيك تحسم امور عاطفية وتلاقي حلول ومصالحات والبعض رح يجهز حالو لحدث مهم و ارتباط وممكن خطبة بالمستقبل القريب..
صحياً:عليك بأخذ قسط من الراحة وتنام ساعات منيحة كي تهدأ أعصابك قليلاً وتريح العين ..
توقعات برج الاسد اليوم الاربعاء 03 يونيو 2020
الأسد ♌
مهنياً: امور عائلية بتشغلك ووضع بالبيت وتجهيز وتصليح .. امور عقارية ونقاشات ممكن بيع شراء او عم تفكر تغير البيت اونقل وتصليحات وناطر خبر .. اتصالات ونقاشات لتلاقي حلول جذرية وقد يطرئ بعض تغيرات .. نتبه لحالك وممكن يشغلك حدا بعيلتك حاول تهدي بعلاقاتك مع المقربين والاهل مشان مايصير سوء تفاهم هاليومين لان بدك تضبط اعصابك ولامور بخير لا تاكل هم ..
عاطفياً:حاول تهدي الوضع ضمن بيتك وتحافظ على اساس حياتك العاطفية وتلاقي حلول لمشاكلك وبلاخص اذا كنت عم تعاني من مشاكل او معارضة قدامك فرصة دير بالك تتجاهل هاشي لان الوضع بدو دراسة وحكمة ومرق هاليوم على خير .. والبعض عم يعيش علاقات متعددة واجواء حلوة بصحبة الشريك وتحسن تدريجي بس كلشي بهدوء ولا تستعجل على شي .
صحياً:وعكة صحية بتخصك او لحدا من اهلك لا تشغل بالك بتمرق على خير..
توقعات برج العذراء اليوم الاربعاء 03 يونيو 2020
العذراء ♍
مهنياً:تنقلات وعم تفكر بسفر ممكن وقصص شراء وبيع واختبارات او امتحان ممكن تجهزلا وحركة اوراق هاليومين .. يوم في مصاريف مالية على مستلزمات وتصليحات او اعطال وسفر اذا كان في تأجيل وعم تهتم بأمورك الشخصية وعقارات رح تشغلك وممكن البعض يدخل بعلم جديد .. نشاط واتصال مهم او لقاءات كتيرة وحدا بخصك امرو بيشغلك بتكون اجتماعي وناس بتحبن وعزائم بس نتبهلي هاليومين من الحوادث والاعطال ..
عاطفياً:كتير جذاب بيومك وحليان وعندك طاقة عاطفية لتعمل شي بهيك يوم حلو وعم تخطف الاضواء بحضورك .. مشاعر واجواء رومنسية وساحرة احد الاطراف عم يلعب دور مهم بهاليوم حتى تكمل بعض الامور والمستجدات ولتحل مشاكل عاطفية لا تخلي حدا يدخل بوضعك العاطفي والخالي من الحب عندك خطوة ايجابية قريباً .. وممكن تجهز لمشوار او سفرة مع الشريك حضر حالك ..
صحياً:قاوم مغريات طعام عندك مشاكل معدة وهضمية ..
توقعات برج الميزان اليوم الاربعاء 03 يونيو 2020
الميزان ♎
مهنياً: يومك بدور بقصص مالية بين دفع وقبض واهتمامات ومصاريف على قصص شخصية او عقارية او شكلية واوراق وعقود قريبة نطرها.. انت بحاجة لموارد جديدة ولتبذل جهد بشغلك لتحصل على مال او اذا ناطر مال ممكن يجيك .. شراء لحاجيات ومستلزمات وممكن قصة بيع او شراء عندك وعم تحسب شو الك وشو عليك ومشروع ببالك بحاجة لقرار مهني وتحسن بعلاقاتك لتطلع من حالة جمود وركود لتنفرج امورك قريبا ً..
عاطفياً:لا تتسرع وتعامل بدبلوماسية مع الشريك لتوصل للبدك ياه بلاخص اذا متزوج .. القمر بالعقرب بهدي وضعك وبخليك تمتلك زمام المبادرة وتحسن نسبي .. تواصل بيتحسن وتطورات ببعض العلاقات عندك استغل هاليوم بهدوء ورواق وتعامل مع الاستفزازات بدبلوماسية خليك قريب لتعرف كيف تتعامل مع قرارات الشريك ولا تخلي يتفرد برأيو ..
صحياً:اتخاذ الاجراءات للازمة وتناول الأدوية بموعدها ولاهم من هذا هو الوقاية والاهتمام اكتر بصحة ..
توقعات برج العقرب اليوم الاربعاء 03 يونيو 2020
العقرب ♏
مهنياً:طاقة وحظ وتغيرات ايجابية عم دور تفاصيل هاليوم بأمورك الشخصية وضمن بيتك ورفقاتك والحالة الاجتماعية بتلاقي رفقات بحدك وبساعدوك وعم تهتم بمظهرك الخارجي انفراج بوضعك وحسم عم تطلع من تعب والمشاكل تدريجي واخبار حلوة بتوصلك .. تحسن بلامور المالية ووضع حدا بخصك .. رتب امورك انت افضل وعلاقات وناس بحدك وممكن عندك مشوار وسهرة حلوة بيومك ..
عاطفياً:جذاب ورمنسي وكلام حلو بتسمعو وملفت لنظر بطلتك وببريستيجك الخاص .. يوم في مصالحات وتتخلص من بعض المتاعب الي صار بدا حل جذري تحسن بكون بوضعك استغل جاذبيتك وحضورك المميز لتقدر تأثر على طرف الاخر .. واذا كان عندك جفا وبعد بترجع امورك نشالله او اذا اعزب الفرصة مواتية لشراكة وارتباط ..
صحياً:عندو شفاء من مرض نشالله وممكن تزور طبيب ونتبه على اكلك من زيوت ودسم ..
توقعات برج القوس اليوم الاربعاء 03 يونيو 2020
القوس ♐
مهنياً:علاقات اجتماعية وبحاجة حلول وحدا مقرب بساعدك .. لا تستعجل بشي بما يخص اي قرار او توقيع كون دبلوماسي ومتفهم ولا تكبر القصص ومابدي ياك تخسر صديق او شخص مقرب بسبب سوء تفاهم خفف حدة عصبيتك وبلا نقاشات واستفزاز وعيد حساباتك منيح والبعض بلاقي دعم وحلول من شخص مقرب ممكن يساعدك وممكن علاقتك تكون مع مدير او مسؤول عنك بشغلك او لقاء هالفترة مع شخصية مهمة ..
عاطفياً:يومك افضل على صعيد العاطفي جاذبية وحضور مميز والعين عليك وعندك عاطفة وجرئة .. ناس ومعارف ومعجبين حواليك ضغوط موجودة من قبل الشريك وبتحس بدو ليعمل مشكلة او لحتى تبقى تحت سيطرتو .. عندك شكوك بعلاقتك لا تنتظر الاهتمام من حدا ماعم يهتم فيك وماعم يقدر وضعك نتبه لاسرارك بهالفترة ..
صحياً:مابدي وضعك بشغلك وبالعاطفة يأثر على صحتك او نفسيتك وحاول تضبط اعصابك ولا تتسرع قدر المستطاع ..
توقعات برج الجدي اليوم الاربعاء 03 يونيو 2020
الجدي ♑
مهنياً:مال وعلاقات كتيرة وناس جدد ومساعدة الك .. يوم داعم الك شعبيتك بتزيد وبتكون محط انظار لكتار بترتب امورك وحلول لقصص بشغلك تعبتك لتبلش مهمة جديدة ولقاءات .. نتبه من الاعداء الي عم تحاول تستفزك وعم تحاول تخرب عليك موضوع بشغلك يومك في طاقة لتخلص المهم وعلاقات ورغم ضغط بشغل في مين بساعدك واجواء حلوة ..
عاطفياً:جذاب وحليان وقصص عاطفية بيومك .. في كلام حلو ومغازلة وبتعيش اجواء فيها نوع من المرح نشاطات عاطفية او اتصال ولقاء حميمي اومغامرة جريئة وممكن صداقة تتحول لحب .. استغل جاذبيتك لتقدر تصلح كتير امور عندك وتحل مشاكلك وتحسن الوضع وتبتعد عن المواجهات وبتحط نقاط على الحروف اذا كنت محتار بوضعك وبلاخص اذا متزوج فكر بعلاقتك منيح ولا تتهور بقراراتك وكلشي بيتصلح بشوية تكتيك ..
صحياً: خفف تناول طعام متأخر بليل وخفف تدخين او اركيلة ..حموضة بالفم عم تزعجك ونتبه من تناول الادوية هالفترة ممكن تسبب مشاكل بالمعدة ..
❤غنيتك❤اليوم:يا تارك الله معك .. نادر الاتات
توقعات برج الدلو اليوم الاربعاء 03 يونيو 2020
الدلو ♒
مهنياً: في شغل كتير وعلاقات ونتبه لحكي المقربين.. انت بحاجة لدعم كبير هالفترة لتتجاوز امورك وتوصل وتنجح رغم ضغط بشغلك وبامورك الاجتماعية بلاخص اهتمامك بشكل عام بامور شغل وعم تحاول تحقق شي وترجع متل ماكنت لتحقق شهرة وسمعة وتتجاوز الأعداء .. انت امام اختبار بحاجة لتثبت جدارتك بشغلك بلاخص بعمل جديد او وظيفة او مقابلة وممكن نقل هاليومين خليك دقيق ونظم امورك ولا تعمل مشاكل مع مسؤول ببيتك او بشغلك او لتخلص امور قضائية ..
عاطفياً:خفف من ردة فعلك وكلامك العشوائي واتهامات ونقار هدي ولا تستعجل ولحظ معك جذاب وملفت لنظر بحضورك ومحبوب من الكل رغم تعب الي جواتك .. في اتصالات حميمية ولكل بدو القرب منك في علاقات كتيرة وحب جديد بس موضوع الارتباط او حلول كلية او خطبة بحاجة لوقت لسا ..
صحياً:بحاجة لنوم وراحة وبلا ماتفكر كتير عندك شغل لهيك بدك تريح حالك ولا تاكل بوقت متأخر ..
توقعات برج الحوت اليوم الاربعاء 03 يونيو 2020
الحوت ♓
مهنياً:طاقة وحظ والفلك بيدعمك وانفراج بوضعك.. يوم بكون في تقدير لجهودك واذا حابب تسافر الفرصة منيحة حتى تغير جو وتطلع وفي حركة بقصص مالية وممكن تدخل بشي جديد عم تتجاوز بعض المشاكل والعراقيل وناس بحدك ورفقات وعلاقات اجتماعية حلوة بين مشوار ولمة حلوة وقص عقار بتشغل البعض او عم تجهز الاختبار او امتحان جديد واتصالات منيحة ..
عاطفياً:حب جديد ممكن او قديم أوشخص غايب عنك بيرجع .. من الايام الي بيتحسن وضعك فيها وبتصلح الامور عندك في تقارب وصراحة وبتقدر تجذب الجنس الاخر وبشوية مسايرة بتمتلك قلب الشريك .. نتبه من علاقات متعددة لأنها مارح تجبلك نتيجة وخليك حذر من دخول بعلاقات اخرى هالفترة وبلاخص السرية والجنسية ..
صحياً:نتبه من المنبهات بشكل كبير ومن تقلبات الطقس وخفف شرب قهوة وتدخين واركيلة .
التعليقات مغلقة.