حظ برجك اليوم الثلاثاء
توقعات برج الحمل اليوم الثلاثاء 28 ابريل 2020
بـــــــــــ الحمل ـــــــــــرج
اليوم عم تكون مميز و طاقتك رائعة بتساعدك لانجاز اعمالك و مايوكل اليك على اتم وجه و هاد الشي بخليك تحقق تقدم ملحوظ على الصعيد العملي ، وضعك المالي جيد بتحصل على مكتسبات نتيجة جهدك و تعبك بالوقت المناسب .
❤عاطفيــا”… علاقتك مع الشريك حلوة كتير و فيها رومانسية و محبة .
توقعات برج الثور اليوم الثلاثاء 28 ابريل 2020
بـــــــــــ الثور ـــــــــــرج
اليوم حظوظك بشكل عام جيدة عندك اشياء مهمة ممكن اذا استغليتها بشكل جيد تحقق نجاح على الصعيد العملي ، انتبه على علاقتك مع الزملاء و ما تتصادم مع رؤساءك بالعمل بشكل مباشر ، عم تعمل تقنين بمصروفك حتى ما توقع بالعجز .
❤عاطفيــا”… تجنب التوتر بعلاقتك مع الشريك و خليك اكثر مرونه بردات فعلك معه .
توقعات برج الجوزاء اليوم الثلاثاء 28 ابريل 2020
بـــــــــــ الجوزاء ـــــــــــرج
الاجواء ايجابية و الحظ بحالفك باكتر من موقف ، عم تتعامل مع مجريات الامور حولك بحكمة و حسن تصرف و عم تسمع نصيحة من حولك و من توثق فيه و برأيه ، ممكن تعبر عن انزعاجك و عدم رضاك عن تصرفات احد المحيطين فيك ، وضعك المالي مستقر .
❤عاطفيــا”…عم تتفاهم مع الشريك و تتفهم الظروف يلي عم تمر عليه .
توقعات برج السرطان اليوم الثلاثاء 28 ابريل 2020
بـــــــــــ السرطان ـــــــــــرج
اليوم عندك طاقة إيجابية و عم تقوم ببذل المزيد من الجهد و تقضي وقت اطول بالعمل حتى تحقق مكاسب عملية و مالية ، عم تكون واضح بعلاقتك مع الزملاء و توضع حد لكل حدا ممكن يتجاوز الخطوط الحمر يلي انت راسمها ، عم تقدر تكسب ارباح جيدة بدون تعب او جهد .
❤عاطفيــا”… من المناسب انك تكون قريب من الشريك و تسمع لمشاكله و همومه الشخصية .
توقعات برج الاسد اليوم الثلاثاء 28 ابريل 2020
بـــــــــــ الاسد ـــــــــــرج
اليوم بتفضل انك تبقى بعيد عن الضوضاء و اللقاءات الكتيرة عم تخصص وقت اكبر للاهتمام بالتحصيل العلمي و تعزيز قدراتك الذهنية و هاد الشي بقويك و بخليك تكسب نقاط ايجابية اضافية بتعزز من شخصيتك و دورك بين المحيطين ، وضعك المالي عم يتحسن لكن بالتدريج .
❤عاطفيــا”… عم تكون متعاطف مع الشريك و بتحاول تلبي رغباته قدر الامكان .
توقعات برج العذراء اليوم الثلاثاء 28 ابريل 2020
بـــــــــــ العذراء ـــــــــــرج
اليوم عم تعطي اهتمام اكبر لعلاقاتك مع الاصدقاء و الاقرباء ممكن تعمل اكتر من اتصال للاطمئنان عن اصدقاء او اقارب الك زمان ما شفتون ، عندك حركة بيع و شراء نشطة عم تسعى لتحقيق المزيد من الارباح و تتخلص من قضية تجارية شغلت تفكيرك .
❤عاطفيــا”… لازم تركز على النقاط الايجابية بعلاقتك مع الشريك و تقويها .
توقعات برج الميزان اليوم الثلاثاء 28 ابريل 2020
بـــــــــــ الميزان ـــــــــــرج
انت مميز بدبلوماسيتك العالية و حبك للجميع ما بتحب تجرح حدا او تسيء لحدا و لكن ممكن توقع بمشاكل مع الآخرين نتيجة كلام طلع منك بغير قصد ، حاول ما تنجر بالكلام و النقاش مع احد الوالدين لكلام تندم عليه لاحقا ، عندك ضغط مالي عم تعمل جهد لتوفي التزاماتك .
❤عاطفيــا”… عم تحاول كسر الروتين بعلاقتك مع الشريك و تتقرب منه و تتغافل عن بعض الامور يلي ما بتعجبك بتصرفاته .
توقعات برج العقرب اليوم الثلاثاء 28 ابريل 2020
بـــــــــــ العقرب ـــــــــــرج
طاقتك اليوم سوبر ممتازة عندك الهمة و النشاط حتى تقوم بما يلزم لتحقيق تطور و لتعزيز مكانتك العملية ، العلاقة الجيدة مع الزملاء و المحيطين فيك بترجع عليك بالفائدة و مساعدته للآخرين حاليا متل الزرع بتلاقي ثماره وقت حاجتك .
❤عاطفيــا”… عم تقدر تعب الشريك و الجهد يلي عم يبذله و هاد الشي جيد لعلاقتك معه .
توقعات برج القوس اليوم الثلاثاء 28 ابريل 2020
بــــــــــ القوس ـــــــــــرج
اليوم مناسب حتى تنتبه لحالك اكتر و تعتني بأناقتك و مظهرك ، عندك جاذبية و حضور مميزين و هاد الشي كتير جيد و مناسب حتى تطرق ابواب جديدة بحياتك العملية ، ثقتك العالية بنفسك بتخليك تكسب ثقة الآخرين فيك ، عندك كتير مصاريف و نفقات عم تعمل توازن بين دخلك و مصروفك .
❤عاطفيــا”… عم تعطي الشريك حصة من وقتك و تتناقش معه بقضية عائلية مهمة .
توقعات برج الجدي اليوم الثلاثاء 28 ابريل 2020
بـــــــــــ الجدي ـــــــــــرج
اليوم عندك كتير اشغال و اعمال بدك تقوم فيها ، عم تحاول تنظم وقتك حتى ما تضيع و لا لحظة بغير فائدة ، انت من الاشخاص الصبورين و يلي بيتحملو ضغط الشغل و العمل و هي نقطة كتير مهمة و ايجابية و عم تساعد حتى تحقق مكاسب عمليه و مادية .
❤عاطفيــا”… الشريك عم يطالبك باهتمام اكبر و انك تسمع لمشاكله و تعتني فيه .
توقعات برج الدلو اليوم الثلاثاء 28 ابريل 2020
بـــــــــــ الدلو ـــــــــــرج
اليوم حابب تكسر الروتين اليومي و تعمل شيء جديد غير المعتاد بسبب الملل الكبير يلي ممكن تشعر فيه ، عم تهتم بوضعك الصحي ايضا و تستدرك اي امر ممكن يسببلك التعب و الجهد ، عم تترقب مكاسب مالية نتيجة تجارة او جهد قديم قمت فيه .
❤عاطفيــا”… عم تحاول تبقى جنب الشريك و تخليه بالقرب منك حتى تخليه يشعر بمحبتك و حنيتك .
توقعات برج الحوت اليوم الثلاثاء 28 ابريل 2020
بـــــــــــ الحوت ـــــــــــرج
اليوم عم تشعر بشيء من التعب و الارهاق و عم تنجز الاعمال يلي مافيك تأجلها و تأجل باقي الاعمال ، خود قسط من الراحة حتى تستعيد نشاطك و طاقتك و ترجع لعملك و شغلك بهمة افضل ، فيك تستعين باحد الزملاء و تطلب منه المساعدة ، عندك ضغط مالي ممكن تستدين مبلغ لتقضي حاجتك .
❤عاطفيــا”… الشريك هو احد مصادر قوتك و طاقتك الايجابية رح يكون حدك و يوقف لجانبك .
التعليقات مغلقة.