حظ برجك اليوم السبت
توقعات برج الحمل اليوم السبت 27 يونيو 2020
الحمل ♈
مهنياً:بنهارك ضغط شغل وامور صحية وبعد ضهر شراكة وتغيرات .. لا تتسرع وتنفعل بنهارك ونتبه من الاستفزاز وتوتر وبلاخص لبعض ناطرك على دقرة.. شوية ضغط بنهارك ويمكن قصة حدا من اهلك عم تشغلك وخبر حلو ناطرك .. المسا انت افضل عندك دراسة لفكرة جديدة او شغل شراكة او مال علاقات مميزة وناطر حدا او قصة حدا من اهلك وعزيمة ..
عاطفياً:شريك مو مهتم وبحاول يستفزك حاول لا تصطدم معو مشان مايصير زعل او تنهي علاقتك .. اذا خالي من الحب فرصة لتم شراكة او اعجاب عم يتوضح وانت بحاجة لشخص يستاهلك ويهتم فيك ويعطيك وقتو .. حتى فرصة للبعض ليجهز لخطبة قريباً وفي هبة معنوية ممكن تحصل عليها .
صحياً:نتبهلي على صحتك وصحة حدا من اهلك وخفف تناول طعام دفعة واحد نظم اكلك ونتبه ع الوزن.. وشفاء من مرض للبعض.
توقعات برج الثور اليوم السبت 27 يونيو 2020
الثور ♉
مهنياً:امور مالية عاطفية بنهارك وشغل ومسؤوليات وصحة بعد ضهر .. حاول تستغل فترة لنهار الحظ بكون افضل لتسمع خبر حلو او اتفاق او ليرجعلك شي خسرتو وحلول لبعض القصص والمشاكل عندك .. المسا مضغوط شوي حاول تكون بعيد عن نقاشات ولقاءات الي بلا طعمة نظم امورك ورتب وضعك وفرصة عند البعض ليدخل شغل جديد او تتلقى دعم ومساعدة وهاشي كلو رح يحسن وضعك صحي ونفسي.
عاطفياً:العاطفة بنهارك بتشغلك بفرصة لتواصل او اتصال طويل وعندك حلول لوضعك حاول تبادر لتكسب قلب الشريك او لتم ارتباط جديد .. ناس كتار حواليك بس انت قلبك مشغول بشخص وهاشي بدو حل .. المسا في اسئلة وشكوك حاول لا توقع بلوم والعتب ونتبه لردت فعلك وتصرفاتك ولا تخاف نشالله الامور نحو تحسن ومتل مابدك لمهم تنتبه لكلامك وحكيك وتبعد عن اي توتر لبعض بفوت بارتباط جديد ورح تبلش المعالم توضح .
صحياً:لمسا ممكن يكون في عارض صحي البعض ممكن يتعب صحياً. بنصحك تغير جو مع ناس بتحبا ولا تبقى لحالك والبعض ببلش يرتاح من مرض وتحسن صحي وتغييرات نفسية ..
توقعات برج الجوزاء اليوم السبت 27 يونيو 2020
الجوزاء ♊
مهنياً:بتشغلك امور العائلة والمنزل وبعد ضهر مال وعاطفة .. شوية قصص بالعيلة وشاغلك وضع البيت او حدا من اهلك وتصليحات او نقل وممكن سوء تفاهم مع حدا بعيلتك ضب ايدك على مصاريفك المالية وممكن تقبض كمان .. المسا طاقتك بترجعلك وتدريجي بتتحسن امورك وخبر حلو ومفاجئ واجواء واتصالات وانطلاقة جديدة نشالله.
عاطفياً:بنهارك بحاجة لهدوء ولشخص يفهمك حاول تركز افكارك ولا تضيع عندك شوية عتب على شريك بس هاشي مابيعني نفوت بمواجهات ونقاشات .. وبعد ضهر انا شايفك افضل لتلاقي الحلول وبتخف ضغوط والحظ بساعدك لارتباط جديد او قديم ع بالك استغل المسا للاتصالات واجواء رومنسية وتواصل او لقاء .
صحياً:لا تعب حالك وحاول ترتاح والبعض بيشفى من مرض تعبو.
توقعات برج السرطان اليوم السبت 27 يونيو 2020
السرطان ♋
مهنياً:عزائم واتصالات وتنقلات بنهارك والمسا قصة بالعيلة .. يوم منيح اذا عندك اختبارات لتنجح وتوصل وتطلع تغير جو وفي ناس جديدة وعلاقات رح تكبر وممكن على مواقع تواصل والبعض بفكر بسفر هالفترة رغم الوضع صعب .. قصص عقارية وبتخص منزل بتشغلك بتفكر بنقل سكن او مكان عملك وعندك حركة اتصالات يمكن بخصوص بيع او شراء ونقاش مالي والمسا اجواء عائلية وقصة بتخص حدا من عيلتك بدا شوية رواق ..
عاطفياً:امورك افضل بنهارك اتصالات وتوصل والاجواء بتكون فيها هدوء وانسجام .. والمسا نتبه من سوء تفاهم ولا تكبر القصة واقطع طريق على كلشي ممكن يأثر بعلاقتك .. تصرف بهدوء وحكمة وبعد عن الماضي وافتح صفحة جديدة بلاخص في نقاشات واوراق قديمة ومطالب جديدة..
صحياً:قصة صحية بتشغلك ولا ترد على كلام البعض بما يخص شائعات الصحية ..
توقعات برج الاسد اليوم السبت 27 يونيو 2020
الأسد ♌
مهنياً:في ركود بنهارك وعم تشغلك قصص مالية بين صرف وقبض ومستلزمات ونتبه من شوية اعطال عندك ورتب امورك وحاول بنهارك تخلص شي الضروري بعد الضهر انت افضل بتتخلص من بعض العراقيل بتتلقى اتصالات كتير او بعيدة في لقاء مهم وحركة وحرية اكتر وتنقلات وعزيمة وبدك تشتري شي جديد وبتفكر بسفر وقصة موبايل .
عاطفياً:في سوء تفاهم وردود افعال وشكوك عم تكون حاضرة .. مشكلتك ماعم تريح راسك وعطول في شكوك عندك وهاشي ابدا مو لصالحك لتخلي امور صغيرة تخرب العلاقة روق وهدي واعطي شريك فرصة يحكي ويعبر عن مشاعرو بتحل شوية مشاكل اتصال طويل وتواصل وبتقنع بوجهة نظرك والبعض بقضي هاليوم سهرة مع الشريك او مشوار.
صحياً:خفف اكل هالفترة احسن مايبلش الوزن يزيد ونظم وقت وركز على ممارسة الرياضة .
توقعات برج العذراء اليوم السبت 27 يونيو 2020
العذراء ♍
مهنياً:حظ وطاقة بنهارك وقصص مالية بتشغلك بعد ضهر .. امورك بنهارك جيدة وعندك اهتمامات شخصية وتغيرات عم ترتاح من بعض ضغوط وعندك راحة وتحسن بعد ضهر في قصص مالية بين قبض ودفع وامور مالية رح تشغلك وعرض جديد في نقاش في حكي ومستجدات بشغلك وبالمال او بدك تشتري او تغير شي مهم هالفترة لهيك جهز حالك لمصاريف مالية .
عاطفياً:يومك عاطفي بتحس بشي جديد والقلب دقاتو غير .. استغل هاليوم لتلاقي حلول لمشاكلك وتعزز علاقتك بشريك وتقرب منو نهارك حلو ورومنسية ويفضل تكون الاتصالات او لقاء بنهار ولا تأجل شي .. المسا حاول تهدي مع الشريك وتقطع طريق على اي تفكير سلبي ولا تتسرع بقراراتك وخفف من نقاشات بلاخص المسا .. الاعزب لا ضيع وقتك بعلاقات مامنها نتيجة ومارح تجبلك شي مهم .
صحياً:خليك هادي ولا تعصب من ولا شي ولا تشتغل اعمال متعبة وعم تستهلك جهد وطاقة هاشي باثر صحياً بشكل كبير بقادم الايام ..
توقعات برج الميزان اليوم السبت 27 يونيو 2020
الميزان ♎
مهنياً:هدي ولا تستعجل بشي وكلشي بوقتو حلو تعبان بنهارك وتوتر وسوء تفاهم حاول تنتبه لعلاقاتك مع محيطك او الاصدقاء والاهل حتى ماتكبر ويصير مشكلة او زعل .. بعد ضهر طاقتك وثقة بيرجو من جديد وبتتجاوز بعض المتاعب وحل لقضية معقدة .. حظ واخبار منيحة وعندك شراء لشي وتحسن تدريجي بالمال او خبر بخص المال وممكن البعض بجهز لسفر ..
عاطفياً:في عتب ولوم ومافي شي عاجب بالشريك كون جاهز هاليوم حتى ماتتعرض لكلام مو لصالحك او اسئلة كتيرة .. بس بعد ضهر اكيد جاذبيتك وسحرك بيرجعو والعين عليك واخبار حلوة بتريحك .. استغل هاليوم لتحسن الوضع وتقضي مع الشريك بسهرة او اتصال وتواصل والبعض في اعجاب وبداية لارتباط جديد او قديم بيتقرب منك .
صحياً:عم تكون متعب ومرهق لكن لا تخاف بيتحسن الوضع وبتتخلص من اي شيء بيشغل بالك نشالله.
توقعات برج العقرب اليوم السبت 27 يونيو 2020
العقرب ♏
مهنياً:يوم عم تبلش في بأمور اجتماعية ناس حواليك وبتحبا وعلاقات واجواء وناس مقربة .. بعد ضهر والمسا في شي قصة عم تتأجل وماعم ترتاح له شي حاول تهدي بعض ضهر بما يخص شراكات مهنية او علاقات ضعيفة عندك التزامات وشوية شغل خلص ولا تتأخر والبعض عندك اختبارات بيومك وضب ايدك على مصاريف المالية ولا تجازف ونتبه على سمعتك وممكن البعض يرتبط المال بالعاطفة ..
عاطفياً:في نقاش وتصرفات مو مرتحلا حاول تبتعد عن الازعاجات والمضايقات بدون ماتخلي حدا يدخل بعلاقتك اجواء فيها حب واتصالات وتواصل واجواء اكثر حميمية وعلاقات صداقة ممكن تتحول لحب بقادم الايام .. حاول تتريث ولا تستعجل بشي ونتبه لثقتك بمين بتحطها ..
صحياً:مابكفي بس نعمل حمية لازم نباشر رياضة على لأقل بعض تمارين صباحية ضمن البيت ..
توقعات برج القوس اليوم السبت 27 يونيو 2020
القوس ♐
مهنياً:مانك مرتاح بنهارك وفي قصص بشغلك وظيفتك او اتصال عم يعملك قلق .. بعد ضهر قصص مالية ورواق بدي منك تنتبه على سمعتك وتهدي بعلاقاتك مع المسؤولين صح في ضغط والاجواء متعبة بنهارك بس كلو رح يتحسن بعد ضهر في مساعدة واجواء اجتماعية وتواصل وعزيمة وبتتلقى اتصال مهم وبدك تشتري شي بخصك وموضوع مالي بكون المسا.
عاطفياً:بحاجة لشخص يستاهلك ونتبه لثقتك بمين بتحطا حاول تهدي بنهارك وبلا انفعال وعصبية وأهتم بحالك اكتر .. شريك عندو أراء وتوجيهات او بعض تعليقات حاول تتقبل هاشي وبرر مواقفك واذا كنت غلطان عتذر ولا تكون عنيد .. امورك المسا افضل تطورات عاطفية وعلاقات حميمية ..
صحياً:ممكن عم تعب حالك كتير او مجهودك هالكام يوم كتير كبير ريح حالك او خذ قسط من راحة وهتم بصحتك.
توقعات برج الجدي اليوم السبت 27 يونيو 2020
الجدي ♑
مهنياً:نهارك منيح بترتاح من قصص تعبتك وعندك اتصالات كتيرة ومهمة واستفسارات واجواء حلوة وناس جديدة وعم تفكر بسفر او ممكن تسافر صبح .. حاول تخلص المهم وضروري بنهارك وقصص مالية رح تشغلك بين قبض وصرف عم يكبر والمدخول محدود هالفترة والبعض في قصة شراكة او عقار عندو وركز منيح اذا عم تحضر الاختبار او امتحان .. بعد ضهر قصة بتخص شغلك او وظيفتك اجواء اجتماعية رغم ضغط والمسؤوليات ..
عاطفياً:بعد فترة متعبة بتحس الامور افضل بنهارك اتصالات بتكتر واشخاص جدد وبعود تواصل تدريجي والبعض ببلش نهارو بتواصل واتصالات عاطفية وناس عم تتقرب منك كتير .. الاعزب لا تتسرع بشي وخلي صورة تتوضح قدامك ولا تحسم شي .. المسا بلاخص المرتبط حاول تتخلص من بعض ضبابية بعلاقتك وتعالج بعض المسائل وشكوك ولا تكبر الامور بتوقع نشالله بتنجح بهاشي احسن ماتوقع بخيبة امل جديدة وتوتر انت بالغنى عنو بالوقت الحالي ..
صحياً:ممكن ترهق حالك بسهر وشغل وتعب نفسي فهدي وريح حالك هاليومين ونام منيح..
توقعات برج الدلو اليوم السبت 27 يونيو 2020
الدلو ♒
مهنياً:بيشغلك المال بنهارك وأحساس بملل وضجر وبعض ضهر اتصالات وتواصل وطاقتك بترجعلك .. يومك منيح لتتخلص من بعض القصص المتعبة وانفراج بوضعك وعم تعيد حساباتك المالية وممكن في قبض ومصاريف لازم ضب ايدك شوي وتسديد لديون او دفع على مستلزمات جديدة وقصة بيع وشراء او شراكة .. بعد ضهر بتتحسن الامور فيك تتحرك وتتنفس الصعداء وبتسمع خبر بخليك تتفائل طاقة وحظ واتصالات حلوة وحركة اكتر وناس جديدة.
عاطفياً:روق وهدي بعلاقتك ومافي مانع تعطي فرصة جديدة طبعاً اذا شخص بيستاهل .. مو مرتاح للوضع وبحاجة للأستقرار انت عم تحس بقلق وعم يراودك احساس بالخسارة مرق نهارك على خير ولا تخاف المسا انت افضل بترتاح ولامور بتكون لصالحك قرار مهم واتصال عاطفي وجذاب وساحر في اعجاب وفرصة ارتباط وقديم بيتحركشك ..
صحياً:نظم وقتك الغذائي وبعد عن سهر وخفف شرب المنبهات وحاج تفكر بلا نتيجة ..
توقعات برج الحوت اليوم السبت 27 يونيو 2020
الحوت ♓
مهنياً:حاول تنتبه بفترة لنهار على شراكاتك المهنية او علاقاتك مع بعض الاصدقاء والمقربين يومك في ضغط وشغل ومسؤوليات حاول لا تعصب .. امورك بعد ضهر افضل حلول ومال بتقبض بس ضبلي ايدك لا تأجل شي واستغل الاجواء وعندك تسديد لفواتير وضرائب وديون او حدا يطلب دين وقصة مال بتشغلك او شراكة عند البعض .. حتى البعض عندو قصة بتخص ميراث ..
عاطفياً:يومك بحاجة لهدوء من قبل الشريك يوم بدو حكمة وتبعد عن لعناد لتقدر تسيطر على الوضع .. بتحس انو في شي مجبر عليه او طروحات غير مناسبة بدك تروق حتى لا تنهي علاقتك او تاخد قرار تندم عليه .. اجل كلشي للمسا امورك بتكون افضل لتلاقي حلول وفي اعجاب عند البعض لكن لازم تاخد وقتك بقصة الارتباط افضل الك او ممكن شخص جديد يدخل ع الخط او قصة مالية بتخص شريك .
صحياً:نتبه لنومك تغيرات الجو ممكن تأثر عليك وحافظ على راحة جسمك هالفترة والمسا صحتك منيحة وبترتاح….
❤غنيتك❤اليوم:لو تعرف على قلبي غلاك تعذر حنيني .. ربيع الاسمر
التعليقات مغلقة.