“سوق الكورس” يضع السلطة المحلية في قفص الاتهام

محمد ماغري

تخيلو معايا نقابي من لبيجيدي و خدام مع شركة و مرسم و بي وراقيه …. و تاهو يشد بلاصة في القرعة لي دارت في سوق الكورس النموذجي.
إلا سولتي أي فراش ولا أي واحد عندو كروصة في شوق لكورس غادي يعطيك بزاااااااف تاع الأسماء ما عندهاش علاقة و شدات بلايص و ولاو من ذوي الحقوق.
و الكارثة أنو سيد لقايد و معاه طاشمة تاع لمقدمية سنين هوما خدامين في هد الملف و في الأخير تقبوه … واش كتخيل انو حوالي 47 شخص لي عندهم بين 4 سنين و 14 عام في السوق كايحرمو … و واحد خدام و مرسم في شركة و كايشد بلاصة … راه المنكر بعينيه و رجليه هذا.
عاد شي أسماء معمرها عرفات السوق في حاط و تاهوما إستافدوا … و هدشي أكيد غادي يخلي ديك القرعة لاغية ولا محل لها من الإعراب …
#رسالة_للقايد راه لغوات و لغميق ماشي هو الحل أسيد لقايد راه باش يتغلق ملف السوق بمرة خاص تكون الشفافية و لمصداقية ماشي سياسة طفيان لعافية و التراضي.
و أخيرا إلا مل تنصفوش هد الناس لي ضايعين و تعاود النظر في بعض المستفيدين راه غغدي تفرگع هد الرمانة و غادي تولي شوهتنا عالمية