ماغي فرح: توقعات برجك اليوم الخميس 09 ابريل 2020
توقعات برج الحمل اليوم الخميس 09 ابريل 2020 ماغي فرح
الحمل ♈
مهنياً:عطارد الشمس ببرجك مع القمر بالعقرب .. مصاريف مالية نفقات ومستلزمات وقصص دين وفرصة لتحصل على المال وتعوض خسارات مالية تعرضت لها وممكن تبلش بقصص بتخص ميراث لان البعض ممكن يبلش حكي او مفاوضات بقسمة او موارد مشتركة يوم منيح عندك حلول وتحسن بالعلاقات في اتصال او خبر منيح بعد كركبة كانت بوضعك وممكن قلك مبروك على خبر او شي حلو اجواء ممتعة بتقضيها المسا رغم الحجر الصحي ..
عاطفياً:هي فترة منيحة لتقدر تصلح الامور اذا عندك مشاكل وتوترات رغم الحظ الداعم بس انت مافي شي عم يرضيك وماعم تقبل تتنازل لحدا بلاخص انك تعبان من تصرفات الشريك لانو ماعم يعطيك الاهتمام زايد وماعم يقدر وضعك لازم نهدي ولا نتسرع بقراراتنا ويالله لمعاملة مع الله اذا الشريك بيستاهل عطي فرصة بلاخص المتزوجين مع اني انا متفائل بهاليوم الك لتصلح الوضع .. المرتبطين الامور منيحة الك وبتقضي اوقات حلوة واتصالات والاعزب والمطلق والارمل حرك حالك لايمت بدك ضل هيك ناطرتك فرصة حلوة ..
صحياً:بدي منك تنته من نومتك او هالفترة فيها ركود بالعمل يمكن تحس بارتخاء ومشاكل الرقبة والمفاصل بس خفف من اعمال وشغل البيت بعرفك مافيك تقعد.
توقعات برج الثور اليوم الخميس 09 ابريل 2020 ماغي فرح
الثور ♉
مهنياً:القمر ببرج العقرب وعطارد عم يتحرك من بيت تعب العاطفي ليريحك بلايام الي جاي ويدعمك بعلاقات مهمة اليوم القمر عم يتواجد بيت الشراكة العاطفية وحكي باتفاق او شراكة ممكن تتبلور بلايام الي جاي او شي بخص جمعيات مالية او سكنية اهم شي انك تنتبه وتكون حريص ولا تتسرع بشي مابدي ياك توقع بمشاكل حاول تخلص شغلك ولا تتأخر وتبري زمتك انت متوتر وبدك لتخلص يعني كمان بدك تساير لتوصل لغايتك وترتاح وصار لازم تفكر بشغل او عمل يغير من حياتك المهنية والمالية.
عاطفياً:يوم في شراكات عاطفية ممكن تنتهي وترتاح منا او تبعد بعض الاشخاص المزعجين بحياتك .. بدي منك تكون هادي وحاول لا توتر الوضع يالله الي صبر سنين بيتحمل اسا كام يوم نتبه من سوء تفاهم وفكر تلاقي حلول جديدة لوضعك وحاج تفكير كون هادي باتصالاتك ولا تعمل من الحبة قبة والاعزب عندك فرصة لتلاقي الاعجاب او لتم شراكة جديدة وعنا كمان المطلق والارمل ناطرتك فترة حلوة بلايام الي جاي لتلاقي شي حلو وانسجام مع شخص منيح.
صحياً:بجوز علاقاتك وشوية امور بوضعك تسبب عصبية وتعب وارهاق هاشي بتعبك صحياً نتبه.
توقعات برج الجوزاء اليوم الخميس 09 ابريل 2020 ماغي فرح
الجوزاء ♊
مهنيا:القمر عم يكون بالعقرب وعطارد عم يدخل بيت العاطفة ليحرك الامور العاطفية هالفترة وكل مايخص حب وتسلية ومال واطفال .. القمر اليوم بيفرض عليك شغل ومسؤوليات وماعم تلحق بدي منك تزيد السرعة وتنظم كلشي ولا تستسلم لضغوط في قصة بتخص شغل او ممكن شي جديد عم يكون في فكرة جديد او اقتراح لا تضغط على حالك ونتبه لافعالك حتى ماتعب صحتك اكتر .
عاطفياً:يوم بدك تكون هادي في ولا تعمل مشاكل وبدي منك تعد للعشرة قبل ما تتسرع باي حكم او قرار ومو غلط اذا كنت غلطان تساير وتعتزر صح انت مليت ومابتعرف حالك انت وين .. شريك مو مريح حاول تسيطر على افكارك ولا توقع ضحية استفزاز لانو ناطرك على غلطة او لحتى يلومك تعامل معو بذكى وخفف توتر وقلق المرتبط جديد والاعزب امورك افضل واوقات حلوة بين لقاءات واتصالات ورومنسية .. والمطلق والارمل يبدو في معالم علاقات جديد عم تكبر او ممكن تدخل بشي رسمي ..
صحياً:القمر عم يحذر وضعك صحي اذا مانتبهت على حالك منيح لان معرض لوعكة مفاجئة وسبب ضغوط والافكار المحبطة والشائعات ونتبه من الام المفاصل ..
توقعات برج السرطان اليوم الخميس 09 ابريل 2020 ماغي فرح
السرطان ♋
مهنياً:عطارد رح يدعمك بفترة فيها شغل او لترجع لشغلك او اوراق بتخص شغل او وظيفة واجتماعي وعلاقات وشهرة وسمعة .. القمر اليوم بالعقرب الي عم يعطيك طاقة وحظ وتحسن نسبي على اغلب الاصعدة امورك جيدة في مبشرات واتفاق ورح تحصل على مال هاليومين وبتكتر اتصالات رتب امورك وخلي خطواتك مدروسة في عرض بيرضيك وعم يتحسن عندك وضع البيت والاجواء عائلية وشي بخص الاطفال كمان ..
عاطفياً:يومك كتير رايق وحلو عم تتمتع بجاذبية عم تمتلك قلب الشريك والفلك بساعدك لتصلح الوضع وتغير مجرى الامور ممكن تكون توترت او ماكان في نفس ع شي اليوم افضل في استقرار وراحة نفسية واتصالات كتيرة وممكن خبر بخليك ترتاح وتتريث بأمورك ..خليك حازم ببعض المواقف بس لا تفرض شي فرض يعني خليك دبلوماسي وناقش بهدوء وكلشي بكون منيح ..تطور بالعلاقات عند المرتبط والاعزب عندك حب جديد وممكن يتطور بالايام الي جاي او يرجعلك حب قديم .. المطلق والارمل بدي منك كمان تاخد قرار حاسم بوضعك العاطفي لا تأجل شي لايام جاي بتحملك خبر حلو ..
صحياً:فترة عم تكتر فيها اكل لهيك بدي منك تنتبه الموضوع زيادة الوزن وضروري تقتصر على تناول الفاكهة والخضار بس هالفترة ..
توقعات برج الاسد اليوم الخميس 09 ابريل 2020 ماغي فرح
الأسد ♌
مهنياً:عطارد ببرج الحمل الي عم يدعم هالفترة الاتصالات البعيدة والمهمة واوراق ودراسات وقصص عقارية رهان وعقود وقروض وغيرها من بيع وشراء ومكافئة .. اليوم القمر ببرج العقرب بتشغلك في قصص عائلية ووضع عندك بالبيت او نقاشات وممكن بيشغلك وضع حدا من اهلك حاول لا تنفعل او تتسبب بمشاكل حتى مايكون في توتر وقلق .. عندك تغيرات بالبيت او عم تعمل تصليحات ببيتك وممكن البعض بفكر بنقل او تغيير منزل هالفترة .. نتبه على مصاريفك المالية ونتظر شي مهم قريباً ..
عاطفياً:يومك في قلق توتر ماعم تحس براحة في شي كابس على نفسك ماعم يخليك تفهم الوضع ولا تعرف شو بدو الشريك او ليش تصرفاتو صايرة مملة وباردة
مانك مرتاح ومو ع بعضك في عتب ولوم وحاسس بضغط نفسي وماحدا عم يفهم عليك بدك تروق وتمرق هاليوم على خير وتحاول تبذل جهدك لتحسن الوضع بدون ماتكبر القصص تقرب وساير وحاول تتفهمو بلاخص المرتبط .. الاعزب معالم جديدة رح تتوضح بس بدي منك تبتعد عن اي علاقة مارح تجبلك نتيجة .. المطلق والارمل لبعض ممكن يفكر بسفر وهاشي وارد بالايام القادم بقصد لقاء شريك او زواج ..
صحياً:بدك تروق انت صح قلبك طيب بس عندك عصبية صعبة نتبه من انهيار عصبي بفترة زمنية معينة .. رفه عن نفسك وهدي عصبيتك باي طريقة.
توقعات برج العذراء اليوم الخميس 09 ابريل 2020 ماغي فرح
العذراء ♍
مهنياً:عطارد عم يتواجد بيت المال والموارد المشتركة وتسديد ضرائب وديون وشغل شراكة رح يدعمك هالفترة جهز حال.. القمر ببرج العقرب امورك افضل بهاليوم خبر حلو وطاقة وتنقل قصير بترتاح وبتتحسن امورك بشكل تدريجي استغل هاليوم لتخلص شغلك وتتحرر من كتير ضغوط قادر تقنع وتوصل وممكن سفرة قصيرة وبتجهز الاختبار وعند اتصالات كتير ومنها بعيدة وفيك تشتري شي الك او تغير شي وعندك شي بخص دراسة او علم جديد.
عاطفياً:عم تتمتع بجاذبية كبيرة وبتعمل تغيرات بوضعك وببرستيجك وعم تسمع كلام حلو رغم كل هالوضع الي عندك في شي زاعجك انت ماعم تعرف شو بدك ومانك مرتاح .. .. العين عليك لارتباط وحب ممكن عبر صدفة واتصال من بعيد يوم في تقارب وخطوة جديدة ومهمة بيومك ممكن لقاء واتصالات بتكتر وفي رومنس بالموضوع او حب عم يرجعلك .. بس انا بنصح البعض خليك بعيد عن الماضي وعيش الحاضر حتى مايصير توتر ومشاكل بلايام الي جاي.
صحياً:عم تعصب وصوتك بيطلع بس مابدا كل هاشي روق وهدي احسن ماتتوتر صحياً..
توقعات برج الميزان اليوم الخميس 09 ابريل 2020 ماغي فرح
الميزان ♎
مهنياً:عطارد عم يتواجد بيت شراكات العاطفية والمهنية ورح يحسن من امور العمل والجمعيات وتغيرات لموارد جديد .. القمر ببرج العقرب عم يتواجد بالبيت المالي الي دائماً انت مشاكلك اغلبها مالية بحاجة للمال ومصاريفك كل مانها عم تزيد ومابتعرف من وين بتطلع المصاريف المالية .. عم تعيد حساباتك وتعاملك مالي بهاليوم بين دفع وقبض وفي تحسن وممكن تحصل على مكافئة .. عم تكون اجتماعي بس خلي طيبة قلبك ع جنب وخففها.
عاطفياً:عم تكون الامور فيا هدوء نسبي والجو لازم طري هالفترة مانك مرتاح للوضع بدب منك تهدي ولا تقدم على اي تصرف او قرار بدون علم الشريك وبلاخص اذا متزوج خلي العلاقة فيها نوع من الانسجام وتعامل بدبلوماسية وخليك جريء وأستوعب الشريك لتحافظ على علاقتك .. ركز هالفترة بس مشان كلشي يرجع طبيعي والامور تكون بخير .. والفرصة قريبة اذا كنت خالي من الحب لشراكة جديدة ..
صحياً:انت عم تعب حالك وعم تسبب لنفسك ارهاق وجع راس وتلف بلاعصاب خفف تفكير ونام منيح ..
توقعات برج العقرب اليوم الخميس 09 ابريل 2020 ماغي فرح
العقرب ♏
مهنيا:عطارد ببرج الحمل هالفترة رح يدعم بتغيرات وقصص بتخص شغلك لترجع او تبلس وبيدعمك بشفاء من مرض او اذا بدك تعمل عملية ناجحة او اوراق قبول وماشابه ذلك .. القمر ببرجك بعد تعب وجمود بالوضع عندك اليوم انت افضل ومدعوم بطاقة ايجابية وحظ عم ترجع الثقة من جديد وعم تستعيد مكانتك او مركز حركة ونشاط وسفر قريب وتنقلات وعندك اهتمامات شخصية .. خبر حلو وفرصة جديدة واجتماعي بتكون بسهرة واتصالات وتعارف.
عاطفياً:المرتبط خليك رايق واستفيد من دعم الفلك الك لترجع الثقة لعلاقتك وتصالح وتقضي وقت حلو وناقش وجهة نظر الشريك بهدوء لاجواء جيدة بمشوار او لقاء وتواصل ..لاعزب فرصة لتبلش ارتباط جديد او اعجاب من بعيد لبعيد وممكن يكون في مصارحة في مشاعر وفي تعبير عن عواطف ..
صحياً:لا تعب حالك ببعض الاعمال المجهدة والمؤثرة وحافظ على طاقتك لتكون منيح كمان صحياً..
توقعات برج القوس اليوم الخميس 09 ابريل 2020 ماغي فرح
القوس ♐
مهنياً:عطارد ببرج الحمل عم يدعم فرصة انجاب وعم يدعم امور مالية قروض ومعاملات وقبض ومصاريف بالفترة القادمة .. اليوم القمر ببرج العقرب علاقات اجتماعية وصداقات وناس كتير حولك وممكن تعاملك مع ناس مهمة كمان بس يبدو انت مانك مرتاح وضايج وقصص عم تعبك وناس ماعم تقدر .. حتى عم تنفهم غلط وفي سوء تفاهم مافي شي بيبقى على حالو هدي هاليومين بس لتتحسن امورك بشكل عام .. البعض عندو استشارات او قصص قانونية نشالله بتكون ايجابية وفرصة جديدة بشغلك.
عاطفياً:بامكان تهتم بحالك وببرستيجك الخارجي عم تكون محط انظار واعجاب واحلامك عم تكبر ولكتار عم يفكرو بأرتباط وبداية علاقة جديدة ومابعرف اذا عم تفكر بشخص قديم .. نتبه للغيرة وعيش الوضع والبعض ممكن عندو اتصالات وعاطفة حلوة .
صحياً:بحاجة لراحة بيومك وبتعد عن ناس السلبية والي بتأثر على طاقتك خفف جهد بشغلك ونام منيح.
❤غنيتك❤اليوم:يامرايتي..اليسا
توقعات برج الجدي اليوم الخميس 09 ابريل 2020 ماغي فرح
الجدي ♑
مهنيا:عطارد عم يخلصك من تنقلات متعبة واوراق وسفر ناطر او رح ينقلك لمرحلة جدية عائلية واوراق وعقارات وتصليحات وتجهيزات رح ترتاح منهاوممكن رح يكون بلايام الي جاي اتفاق مع شخص مقرب .. القمر ببرج العقرب علاقات بتكتر وناس بتحبك وتنقلات جهز حالك .. اجواء حلوة بيومك وعندك تنقلات ومقابلات وناس كتيرة وممكن جديدة امورك منيحة رغم ضغط والمسؤوليات بادر بالخطوة الاولى هيي اساس لنجاحك حتى اذا بحاجة مساعدة طلوب في رفقات واقفين حدك نظم وقتك ورتب امورك ويوم في مال ومصاريفك كبرت كمان ..
عاطفياً:بعد فترة من الجمود وتعب العاطفي وممكن البعض كانت العلاقة شبه منتهية او في بعد .. الامور اليوم افضل تواصل بيرجع في مصارحة رغم الشريك بالفترة الاخيرة بتحس ماعندو اهتمام او مشغول بقصص تانية حاول تبعد عن المشاكل والانتقادات وساير شوي .. استغل يومك ليكون في حب ورومنس واعجاب والبعض عم يكون عندو علاقات سرية واتصالات حميمية .
صحياً:في حال حسيت بأعراض جديدة لازم تشوف طبيب نتبه لضغط وتسرع بضرابات القلب.
توقعات برج الدلو اليوم الخميس 09 ابريل 2020 ماغي فرح
الدلو ♒
مهنياً:عطارد في الحمل رح يدعم بيت سفر وتنقلات وشراء والبيع والمصاريف وتصليحات عقارية ودراسة واتصالات ولقاءات مهمة رح تكون .. القمر اليوم بالعقرب عندك طموح ورغبة بنجاح عم تحاول تبني سمعة جديدة ويومك اجتماعي .. عندك قصص بتخص شغلك او مكان عملك وظيفة ممكن البعض عم يفكر فيا او مقبل على اختبار بدي منك تثبت جدارتك حاول تستفسر عن كلشي وتدخل بتفاصيل حتى ماتوقع بأخطاء وسوء تفاهم مع المسؤول عنك .. خبر حلو وناس جديدة وعندك حركة اتصالات واوقات حلوة اجتماعياً وممكن قصة بتخص الاطفال عندك او الانجاب ..
عاطفياً:وضعك بحاجة لحسم ولتوجد الحلول المناسبة بلاخص انو في مزاجية وعم تتكرر معك بعض القصص وافتعال المشاكل من لا شي حتى عم تتكرر عندك حالة انو تترك وترجع .. احسم امورك وحاول تتجاوز هالعقبات وتتخطى هالوضع .. يومك بشكل عام بيشهد مصالحة او عودة شريك وممكن رح تشغلك هالفترة قصة خطبة او زواج وممكن المطلق والارمل الو نصيب منها .. ارتباط عند الاعزب ممكن عن طريق صدفة ..
صحياً:لا تخلي العصبية تأثر عليك مشان ماتوقع بمشاكل صحية ونتبه لنوعية طعامك…
توقعات برج الحوت اليوم الخميس 09 ابريل 2020 ماغي فرح
الحوت ♓
مهنياً:عطارد بالحمل رح يدعمك بقصص ومعاملات وديون وقبض ودفع على شراء وتغييرات او مكافئات وزيادات .. والقمر بالعقرب الصديق يوم داعم الك والحظوظ ايجابية بيدعمك بلقاءات واتصالات مهمة وشغل واتفاق بشكل مفاجئ .. متفائل اليوم بتتعرف ع ناس جديدة وعم تفكر تعمل شي جديد وتغييرات بحياتك .. يوم بيشهد مصالحات وتنقل قصير وقصة عقار بتشغلك حاول لا تتجاوز القوانين وأعمل تغييرات بسلوكك الشخصي وردود افعالك ..
عاطفياً:بتحقق رغبة وفرصة لارتباط .. عم تكون جذاب والعين عليك اتصالات طويلة في مصالحات ومصارحة مبدئياً بتكون منيحة .. المرتبط حاول تمتلك زمام المبادة وتكسب قلب الشريك ولا تكون انفعالي حتى حط حد لبعض ناس من حولك الي عم تسبب مشاكل .. لاتكون عنيد وقرب وجهات نظر بتلاقي حلول يوم حلو واوقات مميزة بتقضيا ..
صحياً:نتبه لتقلبات طقس لانك معرض لوعكة صحية خفيفة وممكن كريب وسيلان بلانف..
التعليقات مغلقة.