مهم جدا ..

عمر الشرقاوي

الحكومة دوزات اليوم واحد القانون مهم ومصير لكل المغاربة اللي غادي يولي عندهم رقم للسجل الوطني ورقم السجل الاجتماعي، زعما غادي نوليو مرقمين منذ الولادة وبتلك الارقام غادي نكونوا معروفين عند جميع المؤسسات والادارات، وغادي تصاوب واحد الوكالة للسجلات باش تنقط للاسر وتحدد شكون اللي مستهدفين ببرامج الحماية والدعم، حتى لهنا امر زوين لكن فين المشكل؟ 

المشكل يا بوراس ان هذ القانون غادي يسمح للحكومة برفع الدعم عن البوطة وتحريرها وغادي نعاودوا نفس الفيلم ديال رفع الدعم عن المازوط وليصانص اللي دار بنكيران واهدى من خلاله للوبيات المحروقات ربح الملايير على ضهرنا ومن بعد تيجيو الصكوعة يقولك حاسبوا اخنوش. غدا اول خطوة باش تهدي حكومة العثماني المواطن للوبيات البوطة وغادي تبقى تشريها يا بوراس ب120 درهم بدل 43 درهم. ومن بعد غادي يجي شي صكع وغادي يقولك هضر الشرقاوي على الفرتوش راه ربح سبعطعش منيار من البوطا الله يجعلها تطرطق عليك.