واش بنادم كايكون مبرمج بيوميتريا باش يكون يساري أو يميني؟ !

هاذا من الأسئلة الأخيرة للي وضعها علم السياسة وحاول يجاوب عليها انطلاقا من تجارب مختبرية على مجموعة ديال الناس العاديين…

الأجوبة للي توصل ليها البحث المختبري هي أن الفرد غالبا ماكايكون مبرمج باش يكون يساري أو يكون يميني…بطبيعة الحال الاختبار انصب على ناس عندهوم واحد القدر من الثقافة، متوسط ربما، ولكن على قدر من الثقافة على كل حال..

الاختبار انطالق من أسئلة حول أشياء في ظاهرها بعيدة من السياسة، وانصبات على موضوع “الرباح” و”الخسران” في القمر، وروح المخاطرة وحب المجازفة..

الإنسان للي مبرمج باش يكون يميني، كاتكون عندو روح المخاطرة وتقبل المخاطرة في حياتو، على عكس بنادم للي يساري وللي كايكون كاينفر من المجازفة ومن قبول المخاطرة وتقبل نتائجها كيفما كانت…

والتجربة المختبرية أككدات على أنه إيلى كان اليميني واليساري بجوج كايقبلو بالمخاطرة، هاذ القبول ماكايكونش بحال بحال، لأن كل واحد كايتعامل معاه بطريقتو الخاصة للي هي طريقة متعللقة بطريقة اشتغال الدماغ ديالو…
اليميني أمام المخاطرة والمجازفة كايستعمل Les régions amygdalines ديال دماغو وللي كاتتطلب ردودأفعال عاطفية للي فيها حب كبير للمجهول…في حين أن اليساري، حسب دائما هاذ الدراسة، كايستعمل أمام المخاطرة والمجازفة Les régions insulaires du cortex cérébral ديالو للي كاتوظف إحساس العزوف على الخوض في الأمور للي ما واضحاش !!! 
هاذ الشي بالطبع وقع عند الناس للي رضى عليهم سيدي ربي…أما هاذ البخوش للي باقي حاصل مع أبي هريرة، موحال واش عندو الدماغ من الأصل !!