لي ما كان بقيمتو معلي.. خليه يضرب فالحيط و يولي..!

بلال الهنا

خلي وسخ الجهوية يتوسع.. خلي هاد التعاقد يتشرررع.. خلي هاد التعليم يتسلع.. خلي سن التقاعد يترفع.. خلي صندوق النقد يتبرررع..
خلي هاد المقاصة تتخرب.. خلي هاد الشعب يجرب.. خلي الأجواء تزيد تتكهرب..
خلي هاد الباطرونا تتجبر.. خلي هاد النظام يتحكر.. خليو هاد القصر يتنمر.. خلي هاد البرلمان يشففر.. خلي الحكومة بينا تقممر.. 
خلي هاد الموظف يتسلف.. خلي هاد العامل يتقشف.. خلي هاد المواطن يتجيف.. خلي الاعلام يكذب و يألف..
خلي هاد الأحزاب تتعفن.. خلي النقابات تزيد تحفن.. خلي الجمعيات تقتل و تدفن.. خليو سيدنا يزيد يكفن..
خلي خلي.. و زيد خلي.. لي ما كان بقيمتو معلي.. خليه يضرب فالحيط و يولي..!