أبراج اليوم
توقعات برج الحمل اليوم الخميس 19 ديسمبر 2019
الحمل ♈
تراجع بالحظوظ اليوم يجعلك أميل للتوتر والضيق، من معاكسات وربما مواقف تثير داخلك النفور، فكن متحسباً من العناد بالمواقف والتي تعيق نجاح مساعيك ويسيء إلى علاقاتك.
مهنياً: بنهارك في ركود وملل وجمود حتى انك ضايج وماعم تعرف تفكر بشي وحاسس انو يومك كتير طويل وعندك شغل كتير وهاشي عم يسبب توتر وعم يخلي اخلاقك ديقة حاول تنظم امورك وتطلع من البيت وتشوف اهلك او حدا يغير من نفسيتك كون هادي ولا تتسرع بشيء وضهر مابدي ياك تقلق ممكن عندك اشياء كتيرة مهمة لكن تستلزم شوية تنازلات وخلي حركتك دقيقة وتستغل الوقت بعد ضهر انت افضل وتحسن تدريجي وفرصة شراكة عند البعض …
عاطفياً:هدي لانو وضعك متراجع وحاول تخفف من نقاشات ولا تغامر بشي وبتعد عن المجادلات ونقاشات الي صرت بتعرف نتائجها منيح .. صراحة الشريك مو مهتم ومافارقة معو وماعم يقدر شي .. بس لاعزب امورك افضل وممكن شي حلو ناطرك وفرصة شراكة عاطفية …
صحياً:خفف شرب منبهات لانك عم تتعرض لدوخة نتبه للاسباب وشوفها..
❤غنيتك❤اليوم:خدني ليك..وائل كفوري
توقعات برج الثور اليوم الخميس 19 ديسمبر 2019
الثور ♉
اليوم تتراكم الأعباء العملية، وربما أنت تعايش ظرف صحي، أو فاقد الرغبة بالمثابرة وتميل للتفكير والتأمل، فأنت مشغول ذهنياً، فلا تهمل ماعليك من مسؤوليات.
مهنياً:بين عاطفة وشغل نتبه ع صحتك .. طاقة وحظ ودعم ولاجواء الاجتماعية مميزة أستغل هاليوم للاوقات الحلوة وحاول تخلص شغلك بكير والامور المهمة عندك عم تلاقي تقارب والحظ بساندك لتحقق شي مهم برغم مرهق ومتعب وعم تسيطر عليك المزاجية وتعب برغم في مال اليوم بس نتبه كتير لمصاريفك او تغامر بشي او تسبب لنفسك خسارة لان هاشي ممكن يزيد الوضع سوء وتعقيد دافع عن انجازاتك ولا تخلي حدا يدفعك نحو قرارات صعبة اتصالات وشي منيح بخص العمل ..
عاطفياً:امورك العاطفية افضل وجاذبيتك عالية وعم تمارس سحرك ع الكل لكن رغم وضعك المتعب بعلاقتك بالفترة الاخيرة الي كان فيها مستجدات وضغوط وتراجع .. انت بحاجة لقرار حاسم لوضعك بهدوء وبدون تسرع وعصبية وبلاخص اذا كان حدا ناطر رد او اذا العلاقة متوترة مع الشريك امورك منيحة ..
صحياً:نتبه على صحتك وبلاخص فترة المسا او وعكة صحية ..
❤غنيتك❤اليوم:ياريت…فيروز
توقعات برج الجوزاء اليوم الخميس 19 ديسمبر 2019
الجوزاء ♊
يومك جيد لتستفيد من بعض الإمكانات المتوفرة بخوضك حوارات تحاول بها إثبات آراءك وأفكارك وصحة خياراتك، فاليوم للتأثير على من حولك، ولتضم أشخاص جدد لرصيدك.
مهنياً: اجل المهم وضروري صبح وبعد ضهر انت افضل مو ع بعضك باول نهارك وعم تتعرض لبعض المدايقات ببيتك وبالعيلة ومالياً ومزعوج من حدا قريب منك وعم يزيد الوضع تعقيد .. بس ضهر تطرأ مستجدات وامور لصالحك وبترجع طاقتك واخبار منيحة واجواء حلوة وبتلاقي تحسن بعلاقاتك وكلشي بيرجع لمكانو وممكن عقد وترتيب لامور مالية وعم تتبادل الخبرات والمعلومات مع بعض الاشخاص..
عاطفياً:جذاب وساحر بيومك تحسن تدريجي بعلاقتك وبترجعلك الاجواء العاطفية ورومنسية بهالفترة .. حتى عم تتعامل بطريقة مختلفة مع الشريك وبشي الي عم تشوفو مناسب لمستقبل افضل بلاخص المرتبط .. المتزوج كتير مزعوج من تصرفات الشريك ولامور ممكن تتأزم اكتر وهاد الشي بيمنعك من انو تقدم اي تنازل او اعتزار مهما كان استغل الحظ اليوم ونشالله سوء تفاهم وبينحل ..
صحياً:نتبه لتعليمات ولا تخاطر بوضعك صحي وستغل هاليوم لترتاح في واحذر ناس سلبيين..
❤غنيتك❤اليوم:شو قولك فينا نرجع..عازار حبيب
توقعات برج السرطان اليوم الخميس 19 ديسمبر 2019
السرطان ♋
اندفاعك اليوم وتسرعك غير محمود النتائج، ومن الأفضل الانتظار والصبر على بعض القضايا لبينما تتحسن الأجواء، فاليوم قد يحمل إزعاجات أو متاعب صحية، فلا تطور نقاشاتك لتجنب الخلاف.
مهنياً:يومك ببلش حلو واخبار حلوة او اذا ناطر شي مهم او جواب هاشي بزيد من طاقتك الايجابية وبتبلش نشيط وعم يكون عندك لمة ولقاءات وتنقلات قصيرة .. بس بعد ضهر نتبه من الأصطدامات وسوء تفاهم .. مسؤوليات وضغط بالعيلة ونقاشات روق ولا تحمل القصص اكتر مابتستاهل لانك صرت متعود على هيك شي وصار روتيني..
عاطفياً:رغم تحديات لكن فيك تتجاوز امورك وتتقدم بثقة .. اذا مرتبط بعلاقة او مزوج حاول تستغل هاليوم لتقارب وتقضي وقت حلو مع الشريك وتكون منفتح على امور كتيرة .. وستغل جاذبيتك بتأثير على الجنس الأخر وبلاخص اذا كنت خالي من الحب..
صحياً:لا تخلي تقلبات الأوضاع تأثر عليك صحياً عليك بالمشي لتحسن صحة جسمك وتخفف ضغط نفسي..
❤غنيتك❤اليوم:حبيبي .. عمر دياب
توقعات برج الاسد اليوم الخميس 19 ديسمبر 2019
الأسد ♌
يوم مطمئن بمناخه العام وأخباره، ويحيط بك الأصدقاء والعائلة وسط أجواء لطيفة، فاليوم تعطي لعلاقاتك الشخصية الاهتمام والمحبة وتتواصل معهم بنجاح عبر لقاءات أو زيارات.
مهنياً:بتشغلك امور مالية وضهر سفر ومشوار واتصالات مهم.. امورك بتبلش تحسن تدريجي بلاخص اذا في شي بيتعلق بشغل او عقار ضهر مدعوم بطاقة وحركة وتنقلات واجواء حلوة وفيك تسافر اذا ناوي وفرصة ممكن تجيك اليوم وتأسس لشيء مستقبلي مهم .. مرق فترة الصباحية ع خير وامورك بتتحسن كتير وابواب تفتح ودعم ماكنت متوقعه وممكن فرصة لتسوق وتهتم بحالك اكتر وشراء اوبيع …
عاطفياً:مابدي ياك تعكر مزاجك من صبح ببعض الامور مافي داعي الها وجدالات وانفعالات وبعض الشكوك.. لان كتير في تحسن وبتكون جذاب وطلتك ملكية وعم تبدي ليونة وتواصل وحماسة وعم تمتلك قلب الشريك بأسلوبك وفي اختبار عاطفي بس لادخل حبك بالامور العائلية والاجتماعية .. ويوم مناسب لتعمل تغييرات بشكلك وتغير برستيجك وتشوف حبك ..
صحياً:خفف سهر وحالتك صحية منيحة والبعض عندو شفاء من مرض..
❤غنيتك❤اليوم:عمري واحد..وائل جسار.
توقعات برج العذراء اليوم الخميس 19 ديسمبر 2019
العذراء ♍
تناقش اليوم قضية مالية أو تحاول البحث عن تمويل أو دعم لظرف ضروري، فاليوم تشعر بأعباء مادية وتحاول إيجاد الحلول لها.
مهنياً:طاقة وحظ وسفر بنهار وبعد ضهر امور مالية
من الايام الي طاقتك بتستمر وانفراج بوضعك وتغيرات ايجابي وممكن في عملية شراء او بيع بتصير اليوم بدون اي عراقيل وممكن يجيك مال ماكان ببالك او مكافئة تحسن بالاوضاع وبعلاقات وحولك ناس ورفقات وبتقضي وقت ممتع ونشاطك وجاذبيتك كتير كبيرة وممكن في عزائم بس نتبهلي على مصاريفك المالية الي ممكن تكتر وعندك دفع بهاليوم ..
عاطفياً: يومك في غيرة وشكوك والاعصاب فيا تشنج في كأبة وعدم رضى وماعم تلاقي حل .. يمكن علاقات قديمة عم تشغلك او عم تجي ع بالك عم ضيع بين حب قديم وجديد حاول تحسم امورك لان يومك حلو وفي امور ايجابية بالفترة القادمة والبعص في بعد مسافة بينك وبين شريك ..
صحياً:تشنجات وعصبية وكريب عم يطور دفي حالك ونتبه من هالجو ..
❤غنيتك❤اليوم:بحبك والله..ايمن زبيب
توقعات برج الميزان اليوم الخميس 19 ديسمبر 2019
الميزان ♎
تنتظم علاقاتك اليوم وتسير على نحو إيجابي باتجاه خيارات وقرارات تغييرية جديدة، فاليوم الأجواء مناسبة لمصارحة تأخذك لمصالحة، وأنت تتصرف بثقة بالنفس تثير الإعجاب، وتحاول رسم خطك المستقبلي.
مهنياً:تعب وملل وضايج وماعم تلاقي انسجام بالاوضاع ببداية يومك وعلاقات متعبة ..ضهر بترجعك طاقتك وحيويتك وتحسن نفسي وتصاعد تدريجي بالحظ وبتلاقي مساعدة ورفقات واقفين حدك استغل هاشي لتحسن اوضاعك بشكل عام وتدفع بمصالحك ولمة حلوة ونشاط وتنقل وبتحقق ربح بشرط توظف طاقاتك بالمكان صح وفترة لامور ايجابية غير متوقعة وتغييرات على صعيد شخصي ..
عاطفياً:مستقر بوضعك بس ابداً مانك مبسوط فاقد للاحساس من طرف الاخر ومافي تقدير او شغل عم ياخد وقت وممكن قلبك مشغول بحدا تاني .. في اخبار حلوة وتحسن بوضعك وبلاخص اذا كان في زعل وبعد بينك وبين الشريك روق وكلشي تمام من بعد ضهر لصالح العلاقة وبلاخص اليومين الي جايين لقاءات واجواء اكتر رومنسية وشريك قديم الى الواجهة من جديد هالفترة ..
صحياً:مشغول بوضع صحي الك او لحدا بعيلتك ..
وخفف شوية استفزاز وعصبية ..
❤غنيتك❤اليوم:مع انك مصيبة مجنونة وعنيدة..
توقعات برج العقرب اليوم الخميس 19 ديسمبر 2019
العقرب ♏
حزين اليوم وتفتقد لرعاية واهتمام، فقد تشعر بالإهمال وتعتب على من حولك أو تحاسبهم، حاول اللجوء لمن تثق واشرح مشاعرك ومخاوفك بدون إنفعال، فاليوم لا يدعم إعلان موقف أو عتاب.
مهنياً:امورك صبح افضل وبعدك بنشاطك وحيويتك وعلاقاتك منيحة وعندك لقاء ولمة حلوة مع مقربين منك حتى في نقاش بأمور مهمة .. حاول تبتعد عن المواجهات بلاخص المسا .. لا تبدأ شي مهم بعد ضهر او تدخل بشيء جديد او تخاطر بأي مشروع او فكرة ممكن تجي ع بالك واي موضوع بخص المال بدو تفكير منيح وكون هادي بكلامك وبلاخص اذا في نقاش بأمر مهم ..
عاطفياً:بتسيطر على الانفعالات والعصبية وبتكون مميز امورك العاطفية احسن على عكس الاوضاع الاخرى نقاش طويل اما بلقاء او اتصال مهما صار توتر ومشاكل لا تخاف بس نتبه من شخص مقرب يخرب الوضع عليك لان عندو غيرة لا ترد على حدا وخليك بجانب شريك ..
صحياً:خفف تناول دسم والحلو هالفترة وخليك بالخضار والفاكهة ونتبهلي على الاطراف والبعض مقبل على عملية ..
❤غنيتك❤اليوم:شو حلو حبيبي شو حلو..زياد برجي
توقعات برج القوس اليوم الخميس 19 ديسمبر 2019
القوس ♐
تتوسع اليوم دائرتك الاجتماعية، ويزداد رصيدك من الناس حولك، فالجو داعم للدخول بمصالحة وترميم علاقة سابقة، فأنت تمنح المحبة والاهتمام لأصدقاءك وعائلتك.
مهنياً:بتبلش مضغوط ومانك مرتاح اليوم وعندك شغل وألتزامات وماعم تلحق وكتير حاسس حالك مدايق بشغلك وبيتك .. بس ضهر امورك بتتحسن تطور ونشاط وطاقة لتشتغل البدك ياه حتى في تسهيلات بيومك مالية وتجارية وحرية اكتر وناس حواليك وعلاقة مميزة .. مصالحات وتسويات وبتخف عنك تشنجات وضغوط استغل الفترة من بعد ضهر بلقاءات واتصالات ورفقات كتير حواليك ..
عاطفياً:بحاجة لصراحة والثقة لتوصل وتنجح بأي علاقة ولتوصل للاستقرار العاطفي بعد تعب ومعانات
على هذا صعيد حتى لو كنت اعزب ماعم تلاقي شريك الي يفهم عليك ويقدرك .. نتبه لاسلوبك وتصرفاتك وكون حذر وتأكد من مشاعر طرف تاني وتعالج امورك ..
صحياً:نتبه على صحتك وخفف سهر وتدخين ومنبهات وممكن كريب ..
❤غنيتك❤اليوم:معلقني فيك وناسيني..محمد العلي
توقعات برج الجدي اليوم الخميس 19 ديسمبر 2019
الجدي ♑
يحمل لك هذا اليوم بعض الإندفاعات، وقد يضطرب مزاجك ويتقلب بسبب أخبار أو ظروف ضاغطة رغماً عنك، فحاول إبقاء مساحة أمان تحمي بها أوضاعك وعلاقاتك.
مهنياً:تواصل واتصالات ولمة حلوة من صبح يمكن رفقات مقربين او جدد او بالعيلة فرصة الاتفاق وتنقلات قصيرة وممكن تجهز لمشوار حلو او سفر قصير .. وضهر مستجدات بشغل ومسؤوليات بتكون على عاتقك وانت قد المسؤولية لا تخاف لانك ذكي وبتعرف من اين تؤكل الكتف واذا بحاجة مساعدة من شخص اطلب لا تتردد في امور مستعجلة بدا حركة وعندك شي بخص سمعة وشهرة او لتعمل شي مهم ..
عاطفياً: بحاجة لحلول ولاعزب حرك حالك ..
بوادر الحلول قريبة جداً بلاخص اذا القصة اخدت وقت طويل .. فيك تفتح صفحة جديدة والعلاقة على طريق صحيح اخبار حلوة الك واجواء مميزة رح تحيط فيك اليوم وتكون مؤشر لمستقبل عاطفي أفضل وناطرتك أجواء ولقاءات كتير مميزة وحلوة بهالفترة جهز حالك ..
صحياً:رغم تعب والكأبة نتبه على صحتك ومن لارهاق وتعب ونام منيح والبعض بروح لطبيب..
❤غنيتك❤اليوم:ماحدا بعبي مطرحك بقلبي..ماجدة
توقعات برج الدلو اليوم الخميس 19 ديسمبر 2019
الدلو ♒
تثابر اليوم على ملاحقة مصالحك، وتعالج مواضيعك بتفهّم وإيجابية، وقد تخلق ظروف مواتية لتوضيح مواقفك وتجاوز العقبات، فاليوم تفعّل حواراتك بنجاح.
مهنياً:قصص مالية وضغوط وشغل بنهارك بحاجة لحلول والتزامات عندك لازم تخلصها ..من ضهر امورك افضل بناس حواليك وتتطورات وعم تطلع تدريجي من حالة الركود وبترتاح اكتر ويومك بيحمل اخبار وتتطور بالمال وعندك لقاءات كتيرة ومع ناس بتحبا وممكن تغير جو برا البيت او اذا ناوي سفر جهز حالك وتدريجي وضعك بصير منيح وبتلاقي انفراج بقصص عقارية او اذا حابب تنقل مكان سكنك ..
عاطفياً:نتبه على وضعك العاطفي بلاخص بفترة لنهار مابدي ياك تفقد ثقة امورك بحاجة لصبر لو طول هالوضع العاطفي .. بعد ضهر بتكون حليان وجذاب بتتحسن امورك وبتصير افضل وتواصل واتصالات وممكن لقاء وفي تفاهمات لازم تصير والاعزب امورك منيحة وفرصة لارتباط ممكن هاليومين .
صحياً:نتبه على اكلك ممكن تعاني من مشاكل هضمية وخفف من تناول المقالي ..
❤غنيتك❤اليوم:شو واثق بحالو .. نانسي عجرم
توقعات برج الحوت اليوم الخميس 19 ديسمبر 2019
الحوت ♓
يوم جيد ويحمل لك خبر سار أو اتفاق، وربما حل لأمر أتعبك، فاليوم تحسّن أحوالك وعلاقاتك وتشعر بأنك أميل للتصالح، فأنت إيجابي بمواقفك والمحيط متجاوب مع مبادراتك.
مهنياً:قصص شراكة عاطفية ومهنية بنهارك وضهر مال
مدايق بنهارك وفي شي مو مريح قلبك من جوا حاول تساير وتمشي امورك بدون مشاكل لان عندك تحسن تدريجي بكون من ضهر وامور مالي عم تشغلك وصرف حتى ممكن تحصل على مال بهاليوم او اذا محتاج فيك تطلب وفرصة لتحقق ربح من شراكة او ميراث .. بتتحسن امورك وبالاخص لمسا لعلاقات ورفقات وتواصل وبتكون ذات شخصية قوية ونجاح بمفاوضات وتفاهمات .
عاطفياً:نتبه لشراكتك بنهارك وبعد ضهر افضل ..الوضع مانو مستقر لكن بيحملك تتطور ونصائح لمصلحتك وكلشي رح يكون منيح في حال ماكنت متسرع وعصبي وفرصة استغلها اذا عندك لقاء واتصالات لتغير الواقع وتعمل تقارب وتمتع بيومك الحلو حتى البعض عندو تتطور ببعض العلاقات يعني ممكن علاقة صداقة تتطور لحب او حب يتطور لخطبة ..
صحياً:في نوع من القلق وتوتر انت بحاجة لحلول صحية وتصميم ..
❤غنيتك❤اليوم:ع غيابك ماني مرتاح..محمد العلي
التعليقات مغلقة.