حظ برجك اليوم الثلاثاء 14 ابريل
توقعات برج الحمل اليوم الثلاثاء 14 ابريل 2020
الحمل ♈
مهنياً:بعد ركود بوضعك وشغلك ليوم في تحسن وعندك شغل مهم او لقاء وناس ممكن تفكر ترجع تبلش من جديد لانو الوضع ماعم ينحمل وقصة بتخص شغلك او وظيفتك لا تقلق وريح حالك رغم في مسؤوليات وبحاجة لمساعدة وجهد بدك تبذله في سمعة وشهرة وناس كتار وعزيمة ..
عاطفياً:نتبه لتصرفاتك وبلا عصبة ونرفزة مع الشريك وحاول تتقرب أكتر ولاتكون انفعالي وتعصب او يكون في غيرة من اي شي .. روقلي حالك وخليك أيجابي الوضع مانو سيء لكن بدو مسايرة شوي .. ونتبه مو اي مشكلة صغيرة نكبرها .. صح انت قلقان على وضع علاقتك بس عندك فرصة بعد مشاكل ونقار لتصلح وضعك العاطفي استغل هاليوم لتقدر تعمل شي .. ولاعزب بادر لترجع وافتح قلبك ..
صحياً:بتتحسن امورك صحية وبترتاح من وعكة صحية نظم مواعيد وجباتك الغذائية وتحسن منيح ان شاء الله ..
توقعات برج الثور اليوم الثلاثاء 14 ابريل 2020
الثور ♉
مهنياً:القمر بالجدي حظ وطاقة وتحسن تدريجي استغل دعم الفلك الك لتوظف جهودك وطاقتك بشي الي بيخدم مصالحك ولتحقق مكاسب مالية ومعنوية . علاقات بتتحسن وحلول لمشاكل تعبتك وبتفكر بسفر هاليومين امور جديدة بتخص شغل وحركة بيع وشراء واتصالات مهمة اولقاء وناس جديدة وتقدير لجهودك المبذولة بس البعض لازم تنتبه لامور دراسة وممكن تسمع خبر حلو بخص الجامعة ..
عاطفياً:يومك بحاجة تنازل وفرصة جديدة عندك .. بكلمتين حلوين الامور بتنحل حاول تبادر وتتعلم من مشاكلك سابقة يوم جيد لتحل مشاكلك وترتاح نفسياً بتتحسن الامور لا تخاف بشرط اذا الشريك بيستاهل تعطي فرصة .. عندك لقاء مميز واتصالات وممكن حب جديد يوصل لارتباط رسمي .
صحياً:في اهمال بصحتك وماعم تنتبه منيح وهاشي مو منيح الك بلايام جاي لا تعكر مزاجك وريح حالك .
توقعات برج الجوزاء اليوم الثلاثاء 14 ابريل 2020
الجوزاء ♊
مهنياً:عم تتخلص من مشاكل وبتلاقي حلول لامور تعبتك وبتركز على الحلول هالفترة بلاخص المالية لان يومك رح يشغلك في المال ممكن تقبض وممكن حوالة اذا ناطر وتسديد التزامات وفواتير وحاجيات .. عم يكون في تأجيل لقصص القانونية والمعاملات والقضائية هالفترة .. بتكون اجتماعي ومصالحات وثقة بترجعلك المهم لا تبقى لحالك..
عاطفياً:استغل هاليوم لتحل مشاكلك بعيد عن العصبية وتوترات يومك في مصالحات وبتكون مع الشريك بأتصالات طويلة وتواصل .. كون متسامح وغض نظر عن بعض الأخطاء المرتكبة احسن مايطلع صوتك وتدخل بجو متشنج .. الاعزب لا تتردد بهاليوم وحط نقاط على الحروف بوضعك بلاخص اذا في شي براسك بدك تعملو كون مقتنع ولاتتردد وهاد شي الاساس ..
صحياً:نتبه من مشاكل الفقرات وركبة في ارهاق وتعب وممكن زيارة طبيب او البعض مقبل على عملية او عم يفكر فيا ومحتار
توقعات برج السرطان اليوم الثلاثاء 14 ابريل 2020
السرطان ♋
مهنياً:بعد فترة كنت فيها متوتر وانفعالي والحمل كبير عليك وفي حكي كتير .. القمر ممكن يمنحك تحسن طفيف بالمال او انفراج نوعي بشغلك وممكن تتلقى اتصال مهم او نقاش واتفاق ويمكن عندك نقل لمكان جديد وفكر بشراكة جديدة ..
عاطفياً:لازم تنتبه لعلاقتك مع الشريك وتعزز شراكتك والاعزب امورك افضل وفرصة لارتباط وشراكة واتفاق مهم عندك .. المرتبط يومك بدو هدوء وتعرف كيف تتعامل في حتى ماتخسر شريك الك بتتحسن امورك وفي نقاش بأمور مستقبلية وتبادل للمشاعر بعد عن ناس الحواليك وخليك بعلاقتك وحاول تمتص المشاكل بسرعة .. الي علاقتو متوترة كتير ممكن ينهي علاقتو فانتبه بشكل كبير وخليك على حذر اذا ناوي ماتخسر .
صحياً:ريح حالك ونام منيح وحاول تغير جوا وتتمشا او تشوف ناس بتعطيك طاقة ايجابية.
توقعات برج الاسد اليوم الثلاثاء 14 ابريل 2020
الأسد ♌
مهنياً:بتشغلك صحتك او وضع حدا مقرب وشغل كتير عندك .. في شغل ومسؤوليات عم تكبر وناس كتار هاشي عم يتعبك صحياً وماعم يخليك ترتاح يوم سريع وبدك تلحق لتخلص كلشي وتنجح بيشغلك وضع مالي امور قانونية وقضائية ممكن تتأجل واوراق بيومك بدك تخلصا وبتعيد حساباتك من جديد ممكن تبلش بشغل جديد والبعض ممكن يترك شغلو بسبب الوضع او بخلاف ..
عاطفياً:وحدى وعزلة وبحاجة للاهتمام بهالوقت والحب يغير حياتك ..خود الامور ببساطة بهاليوم ولا تحسم شي عندك القدرة تمتلك قلب الشريك او اي شخص وشريك يمكن بحاجتك لازم تساعدو وتوقف حدو .. بتشوف شخص غالي وفي اتصالات وتحسن بسهرة وهدوء نسبي وبتغامر اليوم. برغم جاذبيتك وسحرك بس مابعرف اذا عم تذكر شخص او ذكريات قديمة وهاشي عم يتعب القلب .. حاول تتخلص من الماضي ولا تخلي يسيطر على حياتك ..
صحياً:خفف توتر وقلق ولا تهتم بهاليوم ونتبه لأكلك لانك معرض لوعكة او لحدا بعيلتك بتشغلك صحتو وضعو ..
توقعات برج العذراء اليوم الثلاثاء 14 ابريل 2020
العذراء ♍
مهنياً:القمر بالجدي طاقتك بتزيد وبتكون ايجابية والحظ معك وتحسن بعلاقاتك وعم تنجز اعمالك واذا بدك مساعدة فيك تطلب وبكون عندك روح المغامرة .. علاقات اجتماعية اتصالات ومواعيد بشوية تنظيم وترتيب بتتخلص من العراقيل وضغوط وبتسمع خبر حلو وحاول تسمع نصائح بهاليوم وجهز حالك لسهرة حلوة ومال وقصة بتخص الانجاب والاطفال..
عاطفياً:داعم عاطفي جذاب وبتقلب الامور لصالحك .. بتحسن وضعك وبتكون رومنسي وبتقضي وقت بلقاء أواتصال مع شريك وبتلاقي حب جديد والبعض بغامر بعلاقة تانية .. والي علاقتو متوترة ينتبهلي على حالو ولا تعصب او تتسرع لان ممكن تخسر ونتبهلي لردة فعلك وروق الحظ اكيد بساعدك لتحل مشكلتك اليوم بس برواق ودبلوماسية ..
صحياً:من الايام الي بتتحسن فيا صحتك في راحة نفسية واجواء بتعطيك طاقة وناس بتحبا.
توقعات برج الميزان اليوم الثلاثاء 14 ابريل 2020
الميزان ♎
مهنياً:ضغط عليك وبحاجة تتجنب المواجهات ونزاعات لان احتمال يصير مشاكل وتوترات ضمن العيلة او شي بخص الاطفال .. الزهرة بالجوزاء ممكن تمنحك الحظ لتلاقي حلول وبلا ماتكبر القصص ويمكن تخليك تحصل على مال اوشي بخص شغل قريباً وناس ممكن غريبة و أتفاق على شي او امور عقارية نشالله بالقريب العاجل المهم تلاقي الحلول بوضعك العائلي وتروق وكلو بينحل لا تخاف فترة وبتمر ..
عاطفياً:نتبه لتصرفاتك لانك مضايق ومزعوج وعم تعاني تقلب ومزاجية بيومك .. رغم الاجواء بتحس حالك مالك نفس حاول تبعد عن الاستفزاز بيومك حافظ على هدوئك ومزاجيتك ولا تتردد بلاخص المتزوجين .. المرتبطين يومك بيحملك تتطورات ايجابية وتحسن وبتنطلق من جديد تواصل واتصالات وقنوات جديدة محتملة بعد غيبة والاعزب فكر بحالك لايام عم تمرق لا تكبر الامور وختار صح وكتير مهم تستغل الفرص هالايام ..
صحياً:نتبه من مشاكل تنفس وبلاخص اثناء نوم في تعب وارهاق والبعض ممكن يزور طبيب.
توقعات برج العقرب اليوم الثلاثاء 14 ابريل 2020
العقرب ♏
مهنياً: بترتاح من بعض ضغوط وتعب الي كان مرافقك وبتلاقي حلول لامور معقدة في افكار ومبادرات ومرحلة جديدة قادمة بتكتر لقاءات والأتصالات وفيك تتحرك او تنقل قريب وتخلص شغلك ضروري ولا تأجل شي في حركة بيع وشراء واجواء وعزائم واختبار لقدراتك وقصة بيت عندك .
عاطفياً:صدفة او علاقات صداقة ممكن تتحول لحب وبتكون محبوب وقريب من الكل .. بس المرتبط يبدو بدك تساير او البعض عم يتأفف وعم يكون استفزازي هلق انا مابنصحك بهاشي وبدي منك تغض نظر عن بعض تصرفات او الكلمات حاول تتقرب من الشريك وتقضي هاليوم بأتصال واذا فيك بلقاء وبلا مشاكل حتى تطلع من هالبرود العاطفي بوضعك .. بتتحسن الاجواء اليوم وبتصير أحلى لا تحرم نفسك منها مافي شي مستاهل وبادر بالحلول ..
صحياً:عم تتعرض لبعض الألتهابات نشالله امورك بتتحسن وخصص وقت تغير جو في .
توقعات برج القوس اليوم الثلاثاء 14 ابريل 2020
القوس ♐
مهنياً:تاجيل لامور قضائية و في مال اليوم ممكن عم تقبض وعم تحسب شو الك وشو عليك حتى ممكن البعض يتلقى هدية او هبة مالية حاول ضب ايدك على مصاريفك المالية رغم المال الي وصلك مافي ادارة بصرف .. بحاجة تستغل ظروف لازم تغامر وتدخل تجارب جديدة روق في قضايا بدا حل بشغلك وبيتك .. امورك الاجتماعية افضل وفي رفقات ولمة حلوة وناس بتحبن ..
عاطفياً:في قلة اهتمام واهمال من الشريك وشكوك بتزيد بتحس حالك مافي ثقة ومحتار بوضعك وبقراراتك .. هلق انا بدي منك تكون هادي بنقاشك وبلا تراشق الكلام الي بلا طعمة ولا تتسرع بأي شي لان ممكن ترتكب خطأ يخليك وحيد روق وكلشي بيتصلح ولازم تفتح صفحة جديدة بعلاقتك ..
صحياً:نام منيح وريح جسمك لان ممكن تتعب وتكون مرهق عندك مشاكل المعدة وتفخة ..
توقعات برج الجدي اليوم الثلاثاء 14 ابريل 2020
الجدي ♑
مهنياً: يومك منيح عم تنجز اعمالك وتخلص كلشي بدك تجهز حالك لتغيرات وفي مال ممكن يجيك او حوالة بتلاقي حرية بالحركة وفيك تعمل تغييرات وتهتم بحالك وببرستيجك .. اتصالات بتكتر هالفترة ونقاش مهم بامر مالي او شغل جديد وممكن شراكة وخبر حلو في حركة اوراق عندك ومساعدة الاجواء حلوة وناس بتحبك وعزائم ..
عاطفيا:المرتبط بتتجاوز عراقيل بيومك وبتحل مشكلة بتكون جذاب وحضورك مميز والعين عليك اذا ناطر شي بيومك بصير حتى يوم بيحملك اتصالات وتواصل ومساعدة بلاخص اذا كان في زعل لترجع الامور لمجاريها وقلبك يرتاح وبتقرب المسافات .. لاعزب يومك منيح الك تحسن عاطفي للقلب يدق من جديد او بتتعرف على شخص بتتطور علاقتك في بعدين وممكن حب قديم بيومك ..
صحياً:في وعكة صحية وجو مو مناسب نتبه لتغير طقس وشمس بهالاجواء في صداع برأس وكريب.
توقعات برج الدلو اليوم الثلاثاء 14 ابريل 2020
الدلو ♒
مهنياً: مو مرتاح انت وطاقتك ضعيفة في برود وفتور وتوتر بلاجواء هدي ولا تتنرفز من اي شي حتى مصاريفك عم تكتر ومابتعرف وين بتروح حاول تنتبه لكلامك ولردت فعلك حتى ماتخسر شخص غالي او صديق مقرب بتحط حد لكتير ناس عم تزعجك وماعم تسمح لحدا يتمادى معك .. ساير بيومك في حكي واتصال بخص عمل وعلاقات مع اشخاص مهمة وعزيمة ممكن تكون عندك ..
عاطفياً:بكتشف شي غامض وشكوك بتزيد والبعض صداقات وعلاقات بتكبر .. مابنصحك تفوت بعلاقة مامنها نتيجة وانت بحاجة لشخص يقدر ويهتم ويستاهلك .. حاول لا تكبر القصص او تدخل بجدالات عم تعبك لان في عناد مو طبيعي ويباسة راس حاول طنش وتريح راسك وتساير شوي ع القليلة .. يوم ضعيف الحظ عاطفياً حاول يكون في مسافة بينك وبين الشريك قاوم تشائم والعزلة ومرق هاليوم .
صحياً:جسمك بحاجة للفيتامينات أعتمد على الاطعمة المتواجدة بها وصحتك بتتحسن تدريجي بهاليوم ..
توقعات برج الحوت اليوم الثلاثاء 14 ابريل 2020
الحوت ♓
مهنياً: بحاجة لتطلع من جو الي عايشه وتغير نفسيتك وتعمل شي ايجابي يعطيك طاقة .. يومك في تنظيم وحسم لمواعيد وبعض القصص الي شغليتك وهاشي بخلي ثقتك بنفسك تزيد وكلو رح يعود عليك بامور منيحة وبلاخص اذا عم تفاوض او عندك نقاشات حول امر مهم .. كتير وارد تحصل على مال اومساعدة واجواء اجتماعية وحركة واتصالات وممكن تنقلات قصيرة وصار بدك حدا يعزمك ويسليك ..
عاطفياً:بتتحسن امورك ويومك في جاذبية وحليان ..
العيون عليك والبعض بدو يتقرب منك وناطر فرصة في تواصل واتصال بلاخص اذا اعزب او البعض ممكن عندو علاقات متعددة وسرية وبفوت بجو من تسلية والمرح .. المرتبط بدك تكون دبلوماسي ولا تخلي نبرة صوتك عالية احسن ماتوتر الوضع بحاجة لخطوة جديدة لا تكون عنيد بقراراتك وحاول توضح صورة ..
صحياً:مشاكل العيون وضغط عم تتكرر عند البعض انا بشوف انو تخفف انفعال وعصبية افضل الك هالفترة ..
التعليقات مغلقة.