أبراج اليوم
توقعات برج الحمل اليوم السبت 16 نوفمبر 2019
الحمل ♈
مهنياً:شغل وعمل وناس كتيرة ومال ممكن بتحصل عليه لكن عم تبزل جهد كبير ولازم تخصص وقت لراحتك نتبه .. مع انك مو مرتاح وقصص بتصير معك بتخليك ضايج شوي وماعم تعرف تتصرف والامور ماعم تكمل معك ع الاخر انت بحاجة لتنظيم وترتيب بهاليوم ونتبهلي للقصص العائلية وممكن تشغلك امور عقارية او مالية وانت بحاج لحل سريع وتلاقي حلول فرصة بيومك فيك تستعين بأصحاب الخبرات ممكن في عندك شراء او تغييرات بامور عقارية او نقل مكان بيتك قريبا..
عاطفياً:حاول تفصل بين الحب وبين العلاقات الأخرى ويمكن عم تراودك افكار كتيرة بدي منك تركز وتحاول تختار منيح شريك حياتك او تختار تعامل المناسب مع الشريك الي انت معو حالياً واذا كنت بتحبو بعتقد انو بتتعلق في كتير وبتتغير الامور لاتخاف اذا شريك بيستاهل لا تفكر كتير .. واذا مابيستاهل هدي حالك ولامور رايحة للاحسن ..
صحياً:حاول تتجنب الامراض الي عم تعاني منا بشكل متكرر حاول تنظم امورك الحياتية بشكل أفضل وتريح حالك من تعب والارهاق بهاليوم ..
❤غنيتك❤اليوم:دهب ياحبيبي بيضلو دهب..جورج
توقعات برج الثور اليوم السبت 16 نوفمبر 2019
الثور ♉
مهنياً:بدي منك تنتبه لغيرت الناس الك وعين قوية عم تتعرض الها وحسد بتحس انو الناس مو شغلتا غيرك
وممكن من المقربين الك .. حاول تنتبه لهيك ناس ماتسبب لك بعض المشاكل .. بتشغلك امور بالعيلة وانت بيوم منيح نسبياً بعلاقات الاجتماعية وحضور مميز ولافت وفيك تتطلع وتغير جو وقادر تقنع وتوصل افكارك واتصالاتك بتكتر وممكن سفرة قصيرة واذا ناطر شي مهم ممكن تحصل عليه او تسمع بخبر منيح الك استغل هاليوم لصالحك بأذن الله ..
عاطفياً:من الايام الي جاذبيتك ساحرة وطلتك غير شكل والبعض بيتمنا القرب منك .. عم تعيش اجواء حلوة وتطورات بعلاقتك وعم تمشي الامور متل مابدك بعد فترة صبرت فيا وكنت حكيم مع الشريك وبدوره هو اليوم عم يقدم شي الاجواء حلوة ولقاءات مميزة وتحسن نحو الافضل اذا عندك خلافات او زعل بروح نشالله يعني قدر الامكان نكون شوي متساهلين مع الشريك لنلاقي نتيجة حلوة ..
صحياً:خفف من تناول المأكولات التي تحتوي على الدسم وتابع رياضة ولا تخلي حدا يحبط معنوياتك..
❤غنيتك❤اليوم:حاعلمك .. ريان
توقعات برج الجوزاء اليوم السبت 16 نوفمبر 2019
الجوزاء ♊
مهنياً:يوم حلو بين رفقات وناس جديدة ومال ممكن عندك .. اجواء اجتماعية بتعيشها بس بدي منك كتير تنتبه لعلاقاتك ولتصرفاتك مع البعض وبلاخص انت بتحب تكون قيادي ومابتحب تتلقى اوامر من حدا انت تفكيرك وحدسك قوي ومبدع لهيك بدك تنتبه لعلاقاتك عندك شغل وضغوط وممكن مال اذا ناطرو يجيك ونتبهلي كتير لمصروفك لانو كل مانو عم يزيد وحاول تفكر بشغل جديد او عمل يجبلك دخل اكتر ..
عاطفياً:بدي منك تبادر ولا تتجاهل امور كتيرة بعلاقتك مابدي شي يأثر على وضعك اليوم وعبر قد مافيك عن حبك وبتوقع انو ظروف رح تكون مناسبة وايجابية وحلوة مشان تحافظ على استقرار العلاقة وفيك تلتقي الشريك او اتصال عم تبحث في امر ما.. يوم ممكن الامور تروح بتجاه الاستقرار افضل من قبل ..
صحياً:كل ماتبعت تعليمات ونتبهت على وضعك اكتر رح تلاقي نتائج صحية أفضل وبتتخطى شي الي عم تمر في باسرع وقت نشالله ..
❤غنيتك❤اليوم:نسخة منك .. ادهم نابلسي
توقعات برج السرطان اليوم السبت 16 نوفمبر 2019
السرطان ♋
مهنياً:القمر ببرجك بكمل هاليوم .. من الايام الي عم تكون فيها بافضل حالاتك بترتاح من ضغوط وبتحل امور تعبتك وفكر بالمستقبل وانسى الماضي وحاول تبدى من جديد انفراج وتطور وطاقتك عالية وتغيرات مفاجئة وقد يشير لك هذا اليوم عن امر جديد يأتي الك .. بدي منك تفتح صفحة جديدة وتبلش من جديد وتمتع بأوقات حلوة واجواء ممتعة وبتعد عن سلبية ويومك كتير بيشهد احداث واوقات ولقاءات واتصالات ونشالله تحسن بالمال ..
عاطفياً:من افضل الايام جاذبية وسحر ملفت والعين عليك .. يومك كتير حلو بين لقاءات واتصالات وتفاهمات وعم يشهد عودة الحياة لمجرياتها طبيعية مع الشريك واحساس بجديد هذا اليوم وممكن البعض لقاء رومنسي حلو وذكريات بتعود ع الواجهة .. بس البعض بدي منو يستغل يومه وجاذبيته ولا تدخل بتفاصيل الامور كتير حتى ماتنزعج.. ولاعزب اعجاب وممكن ارتباط بيومك ..
صحياً:وعكة صحية طارئة او لحدا مقرب منك فاحاول تنتبه على صحتك هالفترة..
❤غنيتك❤اليوم:خليني بالك .. حسين الديك
توقعات برج الاسد اليوم السبت 16 نوفمبر 2019
الأسد ♌
مهنياً:انت بحاجة لصبر هاليومين وانفراج كبير وتحسن ناطرك .. مابعرف شبك ومدايق من الكل وعلى اقل شغلة عم تعصب ومانك مرتاح من ناس الي حواليك وبتشتغل ومابتلاقي تقدير وهاشي كتير عم يخلي عندك أستياء ومافي مين يهتم فيك ويقدر وضعك عم تعاني تأجيل او تأخير بقصة او بمشكلة ضمن بيتك لهيك لاتتفاجئ من ردة فعل البعض وممكن اقرب ناس الك عم تتغير عليك .. طاقتك كبيرة حاول تستغل هاشي وبعدك عن ناس بهاليوم راحة الك..
عاطفياً:يمكن ضايج من وضعك ومافي تغيير مهم هاشي بيطلب منك تهدي ولا تقدم على اي تغيير جزري او قرار ولتزم صمت بوضعك بهاليومين لان في تغيير مهم مقبل عليه انت .. والبعض عم يحلم او عم يبحث عن شخص يفهم عليه والمشكلة ماعم تلاقي وهاشي انت كتير بحاجة الو هالفترة والبعض بخطط لاجواء حلوة بصحبة الشريك ..
صحياً:عم تعاني تعب وأرهاق وتوتر وهاشي ماعم يخليك تنام وعم تفيق مزاجك معكر..
❤غنيتك❤اليوم:شدني غمرني.. ادهم نابلسي
توقعات برج العذراء اليوم السبت 16 نوفمبر 2019
العذراء ♍
مهنياً:بحاجة تغير جو وتطلع من ضجيج وتوتر الي موجود عندك بشغلك او ببيتك .. لا تبقى لحالك وغير جو لان ليوم عندك اوقات حلوة ومميزة وبلاخص اجتماعياً او اذا عندك حفلة او مناسبة او لمة عم تكون مميز فيها وملفت رفقات واجواء مع ناس بتحبا ويمكن حدا عم يعزمك او عم تتلقى اتصالات لدعوة ما ودعم من حدا بهمك امرو لا تتردد بدعوات هاليوم وطلاع من تعبك وغير هلاجواء ونبسط ..
عاطفياً:ممكن عم تعاني بعض تقيد الي عم يفرضو عليك الشريك او نوع من الغيرة القاتلة وممكن عند البعض شكوك عم تزيد وانت عم تتدايق كتير من هاشي صاير وماعم يترك مجال حتى لتنفس ولتكون حر بتصرفاتك وبتحس انك مو طايق شي بقا .. الغير مرتبط يومك حلو وطلتك احلى وحليان وجذاب وعم تسحر الكل والعين عليك وممكن حدث مهم بيومك وممكن ارتباط او شي رسمي وبتسمع كلام حلو..
صحياً:مريت بمرحلة صحية صعبة كتير حاول بقادم الايام تنتبه على صحتك اكتر من هيك وحاول تتخلص من الملل وضجر الي عم يرافقك ..
❤غنيتك❤اليوم:انا كلي ملكك … شيرين
توقعات برج الميزان اليوم السبت 16 نوفمبر 2019
الميزان ♎
مهنياً:يوم روتيني بس مابيخلى من بعض توترات وناس الي بوجهين عندك .. حاول تركز على المهم بيومك ولا تعب حالك بتفكير او اعمال ماعم تجبلك نتيجة انت مقبل على يوم محتاج منك تركيز وصبر وحكمة لتوصل لشي لبدك ياه وممكن مقبل على شي مهم او اختبار او ناقش او لقاء .. هدي وروق لتعرف كيف تكون مميز بيومك وتوصل وتنجح وتخلي وضعك يتحسن ..
عاطفياً:امورك احسن نوعاً ما رغم الهدوء بعلاقتك الا انك امام يوم في تطورات وضع عاطفي احسن وفيك تغير جو مع الشريك وتعيش يوم مستقر نسبياً بمقارنة بالايام الي كانت متوترة .. وممكن فرصة لارتباط او اعجاب حاول تدرس الموضوع منيح .. والبعض الامور مو مستقرة انا بشوف تبحث عن اسباب الخلاف وبلاخص المتزوج روق ومافي خوف عليك بتعرف كيف ممكن تلاقي الحلول بذكائك ..
صحياً:انت محتاج الى راحة نفسية قبل اي شي حاول تعطي نفسك طاقة وتمتع بيومك وتفائل شوي ..
❤غنيتك❤اليوم:ع غيابك ماني مرتاح.. محمد العلي
توقعات برج العقرب اليوم السبت 16 نوفمبر 2019
العقرب ♏
مهنياً:القمر بكمل ببرج السرطان الصديق اجتماعي وتحسن مالي وسفر او مشوار .. من الايام المميزة عندك لتوصل وتنجح وتكون امورك تمام عم تعيش اجواء حلوة وعم تتخلص من ركود الي كان حاصل وليوم الحظ بيدعمك بأعمالك وتنقلاتك وبأتصالات وناس جديدة وفيك تسافر او تروح مشوار او تنعزم وتعزم وممكن لمة واجواء ممتعة بلقاءات حلوة ..
عاطفياً:انت سهل كتير تتأقلم على الوضع بسرعة بس بدي منك تستغل الحظ اليوم وتحاول تحل مشاكلك مع الشريك او تتجاوز اي عراقيل بعلاقتك صح الشريك متعبك بس فرصة لتصالح وتتحسن الاجواء استغل جاذبيتك وسحرك بهاليوم .. عم تعيش لاجواء بلقاء واتصال وعم تكون مميز وساحر ورومنسي ..
صحياً:انت بحاجة لتبلش رياضة وتنظم وقتك واكلك ولازم تقلع عن عادة تناول طعام ليلاً ..
❤غنيتك❤اليوم:يلي جمالك نوع تاني.. جورج
توقعات برج القوس اليوم السبت 16 نوفمبر 2019
القوس ♐
مهنياً:حلول وطاقة ومصالحات بيومك وممكن حدا غلط بحقك يعتزر .. يوم افضل جرأة وقوة وطاقة وعندك قدرة لتواصل وعم تثبت وجودك وعم تحقق تقدم وحلول لأمور شغليتك وممكن البعض مقبل على حل لقضية قانونية او قضائية او مالية قريباً جدا .. افكار حلوة وعم تقنع الكل وضغوط والمسؤوليات بتخف عنك وبتلاقي مصالحات ولقاءات وفرصة لتغير جو ولمة حلوة وممكن البعض مشغول بأمور مالية ويمكن يقبض وعندك ديون وضرائب وميراث ..
عاطفياً:بعد فترة كانت كتير امورك صعبة وكنت عم تعاني من اضطرابات اليوم يومك اهدى وفي استقرار وثبات بأمورك حاول تستغل يومك وتستفيد منو لصالحك ليصير تقارب او مصالحات لتحسن الوضع العاطفي للأفضل .. تواصل بيرجع يمكن مع شخص قديم او شريك ونشالله تحسن بعلاقاتك بهاليوم .
صحياً:عليك بتوقف عن تناول الوجبات السريعة او دسمة منها وخفف اكل حلويات اذا بدك تبلش حمية..
❤غنيتك❤اليوم:بتعتبني على كلمة .. جورج
توقعات برج الجدي اليوم السبت 16 نوفمبر 2019
الجدي ♑
مهنياً:علاقات وعمل وشراكات ولقاءات كتيرة ومال بينعرض عليك انت تعبت بس لازم تحافظ على على انجازاتك عم تتمتع بكاريزما وشخصية مميزة ويمكن عم تعمل لحالك هيبة وسمعة وعم تخلي البعض يحسب حساب الك قبل اي مواجهة ويمكن انت منفعل وعصبي بهاليوم بدي منك تهدي وتمرق الامور على خير وحاول لا تزيد الوضع سوء في تتطورات بيومك ونقاشات ومابعرف اذا عم تخطط لتدخل بشي جديد او صفقة او شراكة مع حدا ومتل ماقلتلك نتبهلي لتوتر العلاقات مع اهلك او رفقاتك او المسؤولين عنك..
عاطفياً:يمكن هالفترة تواصل مو كتير وعم تعاني من صعوبة .. بتوقع اليوم الامور تتحسن وتتغير تتدريجي ويبلش تواصل والاتصالات وارتباط او عجاب ممكن عند الاعزب .. والمرتبط عم يكون شريك متوتر ومو ع بعضو لهيك ممكن يعكس لامر عليك ويسبب الك حساسية واضطرابات وممكن خيبة امل بشي كنت مخطط الو ولم يتم .. حاول لا تدخل بنقاشات عقيمة ومواجهات مع الشريك بهاليوم روق كلو بينحل ..
صحياً:تفكير دائم قد يسبب لك تعب وارهاق جسدي وفكري وانت محتاج لراحة نتبه من كتر تفكير وتعب عضلي ولدغ الحشرات او شي بخص جلد ..
❤غنيتك❤اليوم:عطيني فرصة .. ملحم زين
توقعات برج الدلو اليوم السبت 16 نوفمبر 2019
الدلو ♒
مهنياً:مانك مرتاح ضغط وتوتر وبحاجة لتطلع وتغير جو وتتخلص من ضجر وتعب .. انت كتير محتاج لثقة وصراحة بهالأيام لتقدر تتفاهم مع ناس او مع من هم حولك بس مشكلتك ماعم تلاقي هاشي لازم تنتبهلي لحالك وتنظم امورك ولا تحمل القصص اكتر مابتستاهل وانت الحمل كلو عليك وعم تعب قلبك وراسك كتير ومن وين بدك تلاقيها لتلاقيها نتبه لحالك لانك تعبان وماعم تعرف شو عم تتصرف روق وخلص امورك بهاليوم لان في شغل او تغيير ناطرك قريبا وبلاخص بتعامل مع ناس مهمة..
عاطفياً:انت مو فهمان حالك لتفهم غيرك بسبب ظروف والمأسي وضغوط الي عم تتعرضلها هالفترة او الي تعرضت الها بالفترة الماضية وصار الشريك عم يتعبك بدل مايريحك وبالاخص للمتزوج الشريك ماعم يفهمك وانت ماعم تركز وكل واحد عايش بديرة حتى لو كنتو بيت واحد وكل واحد بدو شي لصالحه روق وحاول تهدي وتاخد امورك بتجاه صحيح .. والبعض وبلاخص المتزوجين انا برأيي طنش وعيش حياتك ولا بقا تفكر كتير العمر عم يمضى وماحدا اكلها غيرك ارضى بلامر الواقع وفكر لقدام ..
صحياً:نتبه صحياً بهاليوم .. واذا كنت تعاني من امراض المعدة عليك بتناول وجبة العشاء مكونة من الخضار فقط ولا تتناولها بشكل متأخر وخفف شرب منبهات ..
❤غنيتك❤اليوم:انت فاكر اني حاضيع.. جورج وسوف
توقعات برج الحوت اليوم السبت 16 نوفمبر 2019
الحوت ♓
مهنياً:القمر ببرج السرطان الصديق سفر ومال وقصة بتخص الانجاب والاجواء منيحة .. يومك منيح وتتطورات حلوة بعد فترة كانت امورك مكركبه بتحل مشاكلك وبالاخص ببيتك وبالعيلة وقادر تقنع الكل برأيك وتوصل افكارك وممكن اجواء عائلية وممكن سهرة ولمة وبتشوف ناس بتحبا وبتكون جذاب بيومك والبعض عندو مشروع قد يكون عمل او سفر او ترفيهي ..
عاطفيا:من الايام الحلوة عندك بتكون فيها ساحر وجذاب وفيك تعمل علاقات وارتباط واجواء حلوة واوقات كتير مميزة حاول تستغل هاليوم وتقضي مع الشريك وتتطلع او تلتقي معو او بأتصالات طويلة .. والبعض عم يهتم لقصة بتخص الشريك حاول تهدي بتعاملك معو ووقف حدو وروق عليه ..
صحيا:انت ماعم تستغل طاقتك بشكل المطلوب العصبية والاستفزاز عم يفقدك كامل طاقتك نتبهلي له نقطة..
❤غنيتك❤اليوم:جمالك مابيخلص .. حسين ديك
التعليقات مغلقة.