زيان من داخل سجن العرجات: “فلوس الإنتخابات فين مشات.. فالويسكي والسهرات”

بداية سنة 2024 دخلات سخونة على معتقل الحق العام محمد زيان. السيد كان مدوخ لمغاربة بفلوس الفوسفاط و ذهب طاطا والنحاس ديال تزنيت…دابا القضاء ديال الرباط كيشوف فواحد الشكاية لي فيها اتهام خطير لزيان أنه سرق فلوس وزارة الداخلية يعني فلوس الدولة لي جايا من الضرائب المفروضة على لمغاربة…..هاد لمغاربة لي كان زيان تيقول ليهوم خلال الإنتخابات أن الدولة كتسرقهوم و كتنهبهوم.

200 مليون سنتيم تقريبا هو المبلغ المختلس من طرف زيان هو والشركاء ديالو فهاد الجريمة و منهم ولدو…. دابا عاد عرفنا علاش زيان كان يتخرج هو الأول فالمظاهرات مع لبراهش و لمقطعين و علاش كان تيغوت “فلوس الإنتخابات فين مشات….فالويسكي والسهرات..”…هو ضارب الصرف وضاحك على المغفلين.

زيان معروف عليه أستاذ فالتحرش بالنساء العفيفات و بالفساد مع النساء الزانيات ولكن دابا رآه طلع أستاذ فالسرقة وتاشفارت ولي بغا يعرف التفاصيل المرعبة ديال عصابة زيان يدخل لموقع “هيسبريس” ويسقي عويناتو كيفاش كان زيان تيسرق فلوس الدولة.

كثير من التعليقات داروها لمغاربة فاش سمعو هاد الفضيحة الجديدة ديال زيان ..لي قال كيفاش زيان مايسرقش لفلوس وهو فايت ليه سرق مرا على قدها و خباها فالكوفر ديال طوموبيلتو؟ وكاين لي قال زيان كان تيعجبو يسرق القلوب ديال لعيالات ناقصات الترابي فكيفاش ما يسرقش فلوس الدولة؟ ولي قال زيان ما عقلش على مرات الراجل (وهيبة الهاربة) عاد يعقل على فلوس لفتيت؟.

دابا زيان طلع شفار ولي وقع وقع، واش الطوابرية غادي يكون عندهم الوجه باش يخرجو يدافعو عليه!! واش دوك الصحفيين اليوتوبريين لي تيكويو و يبخو غادي يخرجو يقولو رآه ملف مفبرك وملفق!!.

القضية فعلا حامضة عند سي زيان…يوم لا ينفعه لا حزب ولا قبيلة ولا إبن ولا وهيبة…الله يحد الباس.