بغينا برلمان حقيقي ماشي سيرك..

عمر الشرقاوي

واش احنا ضد البرلمان والبرلمانيين؟ طبعا لا. واش احنا مع انا مع البرلمان والبرلمانيين الحاليين؟ طبعا لا، إوا اشنو بغيتو؟
– بغينا برلمان حقيقي ماشي سيرك .
– بغينا برلمان يقوم بوظائفه كاملة في التشريع والرقابة وتقييم السياسات العمومية.
– بغينا برلمان يمثلنا بحق يحمل همومنا على كتفه ولا يحملونا همومه.
– بغينا برلمان يعين على الحل وليس برلمان ينتج المشاكل
– بغينا برلمانيين صادقين مع أنفسهم وغير مناقين يأكلون مع الذئب ويبكون مع السارح.
– بغينا برلمان يشرع للفقراء والمهمشين والمحكومين وليس برلمان يشرع الامتيازات لنفسه.
– بغينا برلمانيين يدركون ان المهمة الانتدابية تطوعية في جوهرها وماشي اسهم في شركة مدرة للربح.
– بغينا برلمانيين يقدمون الصالح العام على مصالحهم الخاصة.
– بغينا برلمانيين يحضرون الجلسات ماشي برلمانيين اشباح لا يَرَوْن بالاعين المجردة.
– بغينا برلمانيين يدافعون عّن مصالحنا الديبلوماسية ماشي يسافروا يديروا الشوبينع والصور المغرية
– بغينا برلمانيين يدافعون عن مصلحة الوطن ماشي مصلحة الجماعة والحزب.
– بغينا برلمانيين متعففون وماشي ملهوطين يحسبون “التنخيمة” درهما.
– بغينا برلمانيين يديروا خدمتهم فالواقع وما يتخباوش وراء الفيسبوك
– بغينا برلمانيين قانعون بتعويض واحد ماشي ربعة.
– بغينا برلمانيين فاهمين ان المهمة البرلمانية ماشي وظيفة تنتهي بتقاعد
– بغينا برلمانيين اذا اشعر احدهم انه فاشل يحط السوارت ويفتح الفرصة للذي يليه فاللائحة.
– بغينا برلمانيين متفرغين للمهمة البرلمانية ماشي رؤساء جماعات وعمداء مدن ونواب رؤساء الجهات ورؤساء دواويين
– بغينا برلمانيين تيحشموا مترخرجوش عينهم ويطلقوا لسانهم الى غلطوا.
– بغينا برلمانيين قاريين تقدمهم احزاب ماشي اميين لا يميزون اليابان واليمن
واش هذي مطالب صعيبة طبعا لا لكن مكاينش معامن