زوند تودرت زوند اسطا
للشاعر الحسن اعبا
القصيدة والتحليل
تامديازت د ؤسفسر نس
تگا تودرت اسطا گين ؤسان ءيفالان
گين ءيزماز ؤزال ءيگ ؤنزار اغانيم
ءيميك ءيساول ؤزال ءينا يوغانيم
انيك ايوسين ازازو دنكين ات ءينولان
اكولو ءيغناس ن ؤسطا هان نكين اتن يوسين
ءيربي اتيمغارين نرا اداونت نيني ياو اوال
امامنك سات ءيتمديمت د مامنك ءيرات ءيگ….
امامنك ءيرات ءيگ ؤسطا داور تا ءيلكيم ؤفوس…
توفلا ؤسيند تاضوت بسونت س يات تيكلت
تاسيد ءيبولي تزلگ تيدي هان اروض لان
اياگدور ن ؤزال ف ءيگي ن تاكات رغان
لانت گيس تقورا د لكاربون د واتيگ ن وامان
ؤلا تيشكي تلا گيس تاروبيا غمكان
ؤلا افزضاض ءيلا گيس ؤلا سول اساي
ؤلا ءسكفان ن ؤگادير د لقشور نك ارمان
ؤلا تيني تلا گيس امركاس نرات
اكولو ءيغمان نگادان يان س يان اياد
اهان ؤقشير ءيسوگاد ءيخف نس نتا نيت
ءيناياس نكين ايگان ازنزار ن تافوكت ادرفي
نگا وورغ نگ دهاب ءيروان ءيكمل سول
نگا اكال داف ايتازال يان ؤكان اغ ءيسن
ازگاغ ءيساولد ءيبي ياسن اوال ءيناياس
نگا تاغرما داف ايتازال يان ؤكان اغ ءيران
تاماگيت د تميورين د توسنا ليد نمون
نگا ءيدامن ؤر نحتاجا ات ءينيغ ءيكويان
ءيميك ءيساولد ؤساگان د نتان ءيناياس
نگا لعنبر نگ زانوج ءيسموناك اسافار
نگا غ ءيغمان ؤالله ارد نفل تيميتار
اهان ادال ءيسوگاد ءيخف نتان ءيناياس
نگا تالدرار غ تاگانت نكت غ ؤزاغار
نگ تافسوت تازگزوت نسكر تيفيراس
اهان ؤمليل تلكمت داغ توالا ساس نان
نگا لفال نگ اناروز گغ ايور ءيكملن
نگ اگليد غ توزومت د ءيتران سوتلناغ
اكولو تيلاس ن توزومت نون اياكال
نرورا تنت س توگاس د ؤكلولو غين اكال
ؤلا ازگزاو ءيساولد ءينا نتا ياو اوال
گيغ ازگزاو هان ؤالله امكتاك نسنتيل
نگا امان ءيلين غ توزومت نون اياسيف
ليغ غ ئيل ئيليغ غ ترگا ءيليغ غ تمداوين
تسكا خار تسندودي كولو تالاتين
اتوزلين ار سنگيدينت كولو تاماوين
تاسكا ن ؤزال اياد د ءيساولن تنا ياك
نكين حمدغ ءيربي توخسين ليغ ءيسنت
اتانا نزضا غاساد نكم تاياض ءيمال
تاسكا ن ؤزال اياد د ءيساولن تناياس
اهان امزيل ؤالله ار ءيسكر تيخيترت
ليغ اغ ءيسكر غ ؤزال ءيسكراغ ؤلا افوس
ءيسكراغ ؤلا تيغمدين ءيملاغ ءيوانوض
ءيغد ارد ؤكان نغرض ابضان ن ءيفالان
ابناقص ن وانوض ءيغ ءيس نوري ناسيتند
تاسكا ن ؤزال اياد د ءيساولن تاناياس
ءيغد ارد ؤكان مخابالنت ماكرسنت
اتنت ءيكشم يان ءيبريتنت سول ءيكم تنت
تاسكا ن ؤزال اياد د ءيساولن تناياس
نكين حمدغ ءيربي گر تفاسين كاغ ليغ
اتاناي ءيسرسن داغ تاسيي تاياض
اوالايني وريد ايخف ءينو تينيتاس
اداك نگال واحق ربي ءيغي تومنت
اهان اسطا ن غاساد ؤر ءيگي مايتوالا يان
ار الان ءيفگيگين ار الان ءيفالان
ار يالا ءيبولي ؤلا تاضوت رمين ءيضوضان
ءيغ ارد رمين ءيضوضان ؤر ازاضن يات
ار تلا تسكا ن ؤزال حاشانت ءيفالان
ار تلا تاليت ءيگران حاشانت ؤكوم نس
ادلال ءيغت ياد ءيغي ءيفكاسنتين
امساغ ار ءيتازال اسنتاك ءيكيس
اسطا ن غاساد ؤر ءيگي ماي توالا يان
اسطا ن غاساد ؤر ءيگي ماي تاسي يان
اسطا ن غاساد ؤر ءيگي ماي تامن يان
ءيكلا غ تافوكت ءيبوجن ءيكمل واس نس
اد ؤكان ءيلي غ ءيفگيگ ءيميل ستن كملن
ءيكاتين يان ؤزمز ؤر تاناك ءيماطيل
اسطا واليت ءيگان زوند والي ساك نان
ءيلا لياقين تيلي تاضوت ءيلين ءيفالان
ءيلين ءيغمان ءيقادين ؤنميلا اسات ءيلين
ءيميك س ءيميك اساي زيگيز ارد اربي كملن
اسطا واليت ءيگان زوند والي سات ءينين
لان ازا غ توزومت ءيلين ءيمودار
ءيلين ءيكلان س كيگان تيليت اتيسيت
اداك نگال واحق ربي ءيغي تومنت
اسطا ن غاساد ؤر ءيگي ماي تاسي يان
هان ءيموت وول ءيتاضوت ءيموت ءيلان نس
ؤالله ار رمين ءيضوضان ترميت اياوال
ءيغد ارد رمين ءيضوضان ؤر ازاضن يات
ءيبولي ءيغلا غاساد ءيس نيت ءيلا ياتيگ
اسطا ءيضرد غ تيدي بسيناس ءيفالان
ؤر ءيلي لاضر غ ءيضوضان ؤلا سول افوس
ؤر ءيلي غ واروض ؤلا تيدي ؤلا سول ءيفالان
اغ ءيلا د ءيمستاگن د ويلي ساغانين
ءيساول يان غ ءيمديازن زرينين ءيس ءينان
اهاياغ نغليد ءيتيزي غلين كيين ءيتاياض
اگيس نگر اسطا داور تا ءيلكيم ؤفوس
ارارغازد اوال ءيگان كولو تيميمين
افاك نگرا اسطا دات كولو نماواس
لدي تاسگرت نك لديغ تينو نماواس
اگر تمزضاوين اغ ؤر تليت الامان
اكود يات ارد ءيتلدي ءينيلتن سلمرس نس
اسطا بدا ءيتاضون موحال ءيس ءيخلص
ءيفيلي ءيواس ءيغ ءيدوم غ ؤسطا كملن
ءيكاتين يان غ ءيمديازن زرينين ءيس نان
امشاوارن ءيفگيگن ف ترزي نوغانيم
ءيميل ءيرز ءيفگيگ ءيقاماد ؤغانيم
ارارغ ازد اوال نيغاس ؤكان نكي نيت
ءيرزا ءيفگيگ غ توزومت اسطا مييلن
امرا كا ؤفيغ اتند نسوري ريغ ؤكان
اگيس نزضا تازرزيت م تخلالين
نزو تيسيت تاقاديت د ءيكلان حاولنين
ءيساول يان غ ءيمديازن زرينين ءيس نان
ؤريد ازار د تيدي ايتاوي يان
اتيرام د ؤسطا د لحيا ايتاوي يان
ارارغازد اوال امازيغ نيغاس نكين
اجات افولكي ءيدباب نس تاجم تاكات نس
تاجيم ازار اكوبي تاجيم تيرمت نس
اسطا كاف ايتازال يان ؤكان ءيران
اد اسين تاكات ادلن تيرمت ءيكافان
اسين انزگوم ءيباباك ؤلا ماتوروت
اتيگ نشات نغرا گيس ؤرتاك ءيتو يان
اكولو ءينامالن داس تنيت اياوال
اكولو ءيماسان داغرانين يان ءيميك
اكولو مايلان غ توزوت ن واكال ناغ
اغران سرك زنزنك اسين تايافوت
يات تولافت ن واناو ن تكضيفت ن تزناخت
Yat tulaft n wanaw n tkdift n tznaxt
Zund tudrt zund azTTa
tga tudrt azTTa gin ussan ifalan
agin izmaz uzzal ig unzar avanim
imik isawld uzzal inna yuvanim
anikkin ayusin azazu d nkkin at innulan
akullu ivnas n uzTTa han nkki atn yusin
irbbi atimvarin nra adwnt nini yaw awal
amamnk sati t mddimt d mamnk irat ig ?
amamnk irat ig uzTTa dawrta ilkim ufus ?
tuflla usind taDuT bsunt s yat tiklt
tasid ibuli tzlg tiddi iam aruD llan
ayagdur n uzzal f iggi n takat rvan
llant gis tqurra d lkarbun d watig n waman
ula ticki tlla gis tarubya vmkan
ula afzDaD illa gis ula sul assay
ulay iskfan n ugadir d lqcur nk armman
ula tiyni tlla gis amrkas nrat
akullu ivman n gaddan yan s yan ayad
ahan uqcir issuggad ixf ns ntta nit
innayas nkkin aygan aznzar n tafukt adrfiy
nga wurv ngu ddahab irwan ikml sul
nga akal daf ayttazzal yan ukan av isn
azggav isawld ibbi yasn awal inna yas
nga tavrma daf ay ttazzal yan ukan av iran
tamagiyt d tmyurin d tusna llid imun
nga idamn ur nptajja at iniv ikuyan
imik isawld usaggan d nttan inna yas
nga lonbr ng zzanuj ismun ak asafar
nga v ivman ullah ard nfl timitar
ahan adal issuggad ixf nttan inna yas
nga taltdrar v tagant n gt vizuvar
ng tafsut tazgzut nskr tifiras
ahan umlil tlkmt dav twala sas nnan
nga lfal ng anaruz ng ayyur ikmln
nga aglli v tuzzumt d itran sutlnav
akullu tillas n tuzzumt nnun ayakal
n ruratnt s tuggas d uklulu vin akal
ula azgzaw isawld inna ntta yaw awal
giv azgzaw han ullah amk tak nsntil
nga aman ilin v tuzzumt nnun ayasif
lliv v iyl iliv v trga iliv v tmdawin
taskka xar tsndudiy kullu talatin
atuzlin ar sngiddiynt kullu tamawin
taskka nuzzal ayad d isawln tnna yak
nkki pmdv irbbi tuxsin lliv isnt
atanna nzDa vassad nkm tayyaD imal
taskka nuzzal ayad d isawln tnna yak
ahan amzil ullah ar iskr tixitrt
lliv av iskr vuzzal iskrv ula afus
iskrav ula tivmdin imlav iwanuD
iv dard ukan nvrD abDan n ifalan
abnnaqs n wanud ivis nwurri nasitnd
taskka n uzzal ayad d isawln tnna yas
iv dard ukan mxabbalnt mmakrsnt
atnt ikcm yan ibritnt sul ikm tnt
taskka nuzzal ayad d isawln tnnayak
nkki pmdv irbbi gr tfassin kav lliv
atannay isrsn dav tasiyyi tayyaD
awalyni wurrid ayxf inu tinit as
adak nggal wapq rbbi iviy tumnt
ahan azTTa n vassad ur igi may twala yan
ar allan ifggign xar allan ifalan
ar yalla ibuli ula taDuT rmin iDuDan
ivd ard rmin iDuDan ur azzaDn yat
ar talla tskka n uzzal pacant ifalan
ar talla tallit igran pacant ukum ns
adllal ivt yad ivi ifkasntin
amssv ar it azzal asnt ak ikkis
azTTa n vassad ur igi may twala yan
azTTa n vassad ur igi may ttasi yan
azTTa n vassad ur igi may ttamn yan
ikla v tafukt ibbujn ikml was ns
ad ukan ilin v ifggig imil stn kmln
ikkatin yan uzmz urta nnak imaTil
azTTa wallit igan zund walli sak nnan
illa lyaqin tili taDuT ilin ifalan
ilin ivman iqaddiyn unmila asat ilin
imik s imik asay zzigiz ard arbbi kmln
azTTa wallit igan zund walli sat inin
lan aza v tuzzumt ilin imudar
ilin iklan s kigan tilit atisit
adak nggal wapq rbbi iviy tumnt
azTTa n vassad ur igi may ttasi yan
han immut wul itaDut immut ilan ns
ullah ar rmin iduDan trmit ayawal
iv dard rmin iduDan ur azzaDn yat
ibuli ivla vassad is nit ila yatig
azTTa iDrd v tiddi bsinas ifalan
ur illi laDr v iduDan ula sul afus
ur illi v waruD ula tiddi ula sul ifalan
av illa d imtagn d willi ssavanin
isawld yan v imdyazn zrinin is nnan
ahayyi vlivn itizi vlin kiyyin itayyaD
aggis ngr azTTa dawr ta ilkim ufus
arar vazd awal igan kullu timmimin
afak ngra azTTa dat kullu nmawas
ldi tasgrt nk ldiv tinu nmawas
agr tmzDawin av ur tllit alamn
akud yat ard it lddi inniltn s lmrs ns
azTTa bda ittaDun mupal is ixls
ifuli iwas iv idum v uzTTa kmln
ikkatin yan v imdyazn zrinin is nnan
amcawarn ifggign f trzi nuvanim
imil irz ifggig iqamad uvanim
arar vazd awal nnivas ukan nkki nit
irza ifggig v tuzzumt azTTa miyln
amra ka ufiv atnd nswrri riv ukan
aggis nzDa tazrziyt m txllalin
nZZu tisit taqaddiyt d iklan pawlnin
isawl yan vimdyazn zrinin is nnan
urid azzar d tiddi ay ttawi yan
atiram d uzTTa d lpya ay ttawi yan
arar vazd awal amaziv nnivas nkkin
ajjat afulki id bab ns tajjim takat ns
tajjim azzar akubiy tajjim tirmt ns
azTTa kaf ay ttazzal yan ukan iran
ad asin takat adln tirmt ikafan
asin anzgum ibabak ula maturut
atig nccat nvra gis urt ak ittu yan
akullu inammaln das tnnit ayawal
akullu imassan davranin yan imik
akullu may llan v tuzzumt n wakal nnav
avran srk znznk asin tayafut
يات تولافت غ تولافين ن تگصيفت ن تزناخت
Yat tulaft v tulafin n tkDift n tznaxt
نعم لقد وصفت النسيج وصفا دقيقا وجعلت هدا المنتوج او النسيج يتحدث عن نفسه أي ان الزربية هي التي تتحدث عن نفسها.لقد شبهت هنا الحياة بالنسيج والايام مثل الخيوط والفصول مثل الحديد والمطر كالقصب وطرحت سؤالا فلسفيا تعجيزيا للنساء هل هناك نسيج لم تلمسه الايادي..انه سؤال صعب ولاجواب له لان في الواقع ليس هناك نسيج لم تلمسه الايادي وانما اردت هنا ان ادخل عنصر الاستغراب والدهشة والتشويق في الشعر ثم بعد دلك اخترت اسم من الاسماء الامازيغية القديمة..توفلا..هو اسم امازيغي قديم او سميها ان شئت بطلة القصيدة او الشخصية الرئيسية في القصيدة فهي التي استطاعت بفكرها وباناملها الدهبية ان تصنع لنا منتوجا خالصا من البداية الى النهاية الا وهي الزربية الواوزكيتية وتطرقت الى الالوان واعطيت لكل لون رمزا من الرموز وبعد دلك دخلت كل الادوات التقليدية الخاصة بالزربية في القصيدة .تاصكا..اي الالة التي يدك بها النسيج وتوزلين..اي المقص الى غير دلك واستحضرت اشعار الشاعر الامازيغي المجهول الدي ترك اشعارا حول الزربية والنسيج واجبت على ابياته كما تطرقت الى عنصر الانتهازية والاستغلال او التجار والصماصرة الدين يستغلون هدا المنتوج لصالحهم.
التعليقات مغلقة.