دقيقة من وقتك..

محمد يعقوب

عوتاني شي كلاب خرجو لينا من الجنب وكيقولو بلي خصنا نوقفو المقاطعة وطلقو هاشتاغ ديال #محافظون بلاصة “مقاطعون ووقعو واحد العريضة…ويا حسرة هادو لي طلقو هاد الحملة أغلبهم أساتذة جامعيين وأطباء وباحثين وأساتذة ومهندسين وجمعويين وسياسيين …وهذا كايزيد يأكد لينا أن الخلل فأمثال هاد العبيد وهاد رباعة الشفارة..النص فيكم كان كايعطي دروس ديال الحرية والكرامة والدفاع عن الحق..واليوم انتوما ضد الحق..ضد الحرية..وضد الكرامة ديال الشعب، يا حسرة هادوك لي كنا كنعتابروهوم قدوة ولاباز لي غاتهز البلاد وتزيد بيها القدام ولاو هوما كيقولو لينا وقفو المقاطعة وكيحاربونا وكيدعمو فساد الدولة حيت هوما خدامين فالأجهزة ديالها…اشنو الفائدة منك تكون أستاذ وتعطي درس للطلبة على الحرية والعدالة والكرامة والحق وأنت براسك غير عادل ؟ وانت كتدعم الظالم ماشي المظلوم والمحگور ؟ اشنو الفائدة منك يا أستاذ ويا أستاذة..كيفاش غنصدق أن الأستاذ أو المعلم أو الطبيب كاد أن يكون رسولا ؟ قول ليا كيفاش ؟..انتوما بهاد الفعل كاتدعمو الظلم والحگرة والاحتقار والفساد…لو انكم كنتو محافظين فعلا وكنتو باغين الخير للبلاد كنتو غاتوقفو فصفنا حنا الشعب ماشي ضدنا..كنتو غاتوقفو فصفنا حنا الفقراء المنكوبين والمنبودين والكادحين لي من نهار حلينا عينينا فهاد البلاد وحنا كنتمناو نخرجو منها بسباب الطغاة والفاسدين لي كيدعمو الفساد أمثالكم..حنا كنحلمو نخويو البلاد ماشي حبا فبلاد الغير وماشي كرها فبلادنا..وإنما بسبابكم يا الحگارة يا منعدمي الضمير..قول ليا كيفاش بغيتيني نسكت والمداخيل والثروات ديال هاد البلاد تقدر تبني مستعمرة فالفضاء..كيفاش بغيتيني نسكت و 80 مليار كتمشي فموازين وفيستيفالات العهر والشعب كيموت نهار على نهار..المواطن لدون سكن وبدون وظيفة..البنية التحتية والتعليم وقطاع الصحة فوضع جد مزري..كيفاش بغيتيني نسكت والناس منفية فالجبال شي كيموت فالجبال بالبرد وشي كيموت فالسبيطارات بسبابكم والميزانيات والملايير كاتخسر فأمور تافهة ؟..قول ليا كيفاش بغيتيني نسكت…أموال طائلة وترواث طائلة أعباد الله تقدر تبني مغرب آخر من الزيرو ولكن الفاسدين والأنانيين والطغاة أمثالكم قاتلكم الجشع قاتلكم السم والطمع بغيتو كولشي لريوسكم..بغيتو تعيشو غير نتوما وحنا نبقاو منبودين..بغيتو تبقاو خالدين فيها، كاضورو كتلقيو اللوم على الشعب ونسيتو أن الخلل فيكم يا رباعة الشفارة..كاتقولو بلي ميريكان وصلات للقمر وحنا باقين اللور…وي حنا باقين اللور حيت دينمكم انتوما مافيكومش النفس وماشي رجال حگارة وشفارة كتشفرو وتنهبو بلادكم والشعب لي تاق فيكم.ومادام ان أمثالكم باقين عايشين فهاد البلاد عمرنا غادي نكونو بحال ميريكان..مادام ان العدل والقانون والنزاهة والمعقول مكاينينش عمرنا غانكونو بحال الدول المتقدمة وعمرنا غنزيدو القدام..أي حاجة وقعات فهاد البلاد تحملو مسؤوليتها يا الخونة كتقتلونا غير بالشعارات الخاوية…بلادنا بلادنا الخق والقانون والعدل والزفت الكحل الله يحرق جدود دينمكم من الطرف تال الطرف…المقاطعة غاتبقى مستمرة واخا يخفضو الأسعار وواخا يسيني الملك براسو ضد المقاطعة غنبقاو مقاطعين..وغنقاطعو الانتخابات وغنقاطعو دينمكم واحد بواحد يا حنا يا نتوما حتى تفهمو ان الشعب هو لي حاكم هاد البلاد ونتوما مجرد كلاب ضالة كتبيعو صوتكم وكرامتكم وصوتكم وتوقيعكم ماغيزعزع فينا حتى شعرة..و#مقاطعون حتى يرث الله الارض ومن عليها…

منقول